Neuschwanstein

Uut Wikipedia, de vrye encyklopedy
Slöt Neuschwanstein
Troonsoal van Neuschwanstein
Neuschwanstein en Hohenschwangau vanof de westoever van de Forggensee

Slöt Neuschwanstein (Nijswoanstain) in Baiern is n sprookjeskestail in Allgäu bie Füssen en Hohenschwangau, baauwd in opdracht van (de loater krankzinneg verkloarde) keuneng Ludwiek II van Baiern. t Is t vernuimdste baauwsel van Ludwiek II en ain van de vernuimdste toeristische attraksies van Baiern. t Kestail is nuimd noar Schwan, n swoan dus. Swoanen waren de laiflengsdaaiern van de keuneng; van zien nicht Elisabeth (Sissi) kreeg hai n grode pastelaainen swoan kado dij in t kestail stait.

t Kestail is noeit hailmoal ôfbaauwd, omdat Ludwiek II t der tou deed veurdat t ôf was en de baauw suntdes is stillègd. t Kasteel dat veurzain is van de nijmoodste snufjes (o.a. waarm woater in de keukens), kostte n fertuun. t Stait vol mit schiere neogotische meubels en op de walen binnen fresco's aanbrocht, van mythen en sagen (biev. Lohengrin). In dit kestail wuir de keuneng ôfzet dou de Baierse regeern hom gek verklaren leut. t Prachteg parade-bèrre is enkeld n poar moal bruukt. In de troonsoal is noeit n troon kommen; messchien is dit wel de tragedie van de vôrst. Op t gewelf van de absis in de troonzoal stoan keunengen en kaaizers dij haileg verkloard binnen; hai hoopde der zölf oeit tuzzen te stoan kennen.

Drij moand noa zien dood wuir t kestail opend veur toeristen, en sunddes is dit kestail n Europese top-attraksie. Toeristen (woaronder veul Jappaner) kennen lopends noar boven of (zo as de keuneng) zoch vouern lôten deur peerd en woagen. Tuzzen de baargen is wat hoger de bekende Marienbrücke baauwd deur keuneng Maximilian; vanôf dit baauwwaark het man n schier zicht op t kastail.

Loater is t kestail van Disney in Parijs baseerd op Neuschwanstein.

t Stadke Füssen en Neuschwanstein binnen t ìnde van de Romantische Strasse dij deur t westen van Baiern lopt.

Andere kestailen van Ludwiek II binnen:

Boetende hìnwiezen[bewark | bronkode bewarken]