Natura 2000

Uut Wikipedia, de vrye encyklopedy
Nå navigaty springen Nå söken springen
Natuurgebied met Natura 2000-label

Natura 2000 is 'n Europees netwark van beskermde natuursteaden binnen de Europese Unie. Dit netwark is de kern van et beleid van de EU vöär behold en herstel van de verskydenheit van söärten. Natura 2000 is neet allenig ter beskerming van natuursteaden (biotopen), mär is der ouk vöär de beskerming van söärten (en hun habitats).

Geskydenisse van Natura 2000[bewark | bronkode bewarken]

De verskydenheid van söärten (biodiversiteit) in Europa gåt al lange tyd achteruut. Beskerming van planten en dieren is dårumme vöär völle Europese regeringen under de andacht. In 2001 is by 'n byeenkomst van de Europese Råd in Göteborg (Sweden) besloten umme vöär 2010 natuurbeskerming ouk in Europees verband an te pakken. In 2004 is 'n nye lyst van natuursteaden uutebracht, wår in de volgende jåren nog völle natuursteaden by ekommen sint. Doelstelling is det den achteruutgangk van söärten planten en dieren in 2020 gestopt is en er so völle mögelijk is hersteld.

De Europese Kommissie hef finansieel byedraagt an belangryke beskermingsmåtregelen van Natura 2000 döär subsidies, so as uut et LIFE+-fonds. Et EU LIFE+-fonds hef tüsken 2007 en 2013 vöär de heyle Europese Unie 'n budget van meyr dan 800 miljoon euro vöär natuur- en biodiversiteitsprojekten. Döärby bint er ouk projekten med gode praktijkvöärbeylden in Natura 2000-gebeeden.

Omvang van et Natura 2000-netwark[bewark | bronkode bewarken]

Et Natura 2000-netwark is alle natuursteaden by mekaar dee beskermd sint döär de Vögelrichtlijn van 1979 en de Habitatrichtlijn van 1992. Et netwark is in anbouw; nog neet alle lidstaten hebt definitief alle natuursteaden aneweasen. Et Natura 2000-netwark beslög in 2010 wel alle 27 lidstaten van de Europese Unie. An et end van 2013 besteet et uut 27.308 beskermde natuursteaden med 'n totale oppervlak van 1.039.332 km², wårvan 787.767 km² land en 251.565 km² zee. Det is 23% van het totale oppervlak van de EU-landen.

Gevolgen[bewark | bronkode bewarken]

In de buurte van nen Natura 2000-gebeed hef et invlood up plannen en gebruuk döär verkeer, landbouw en industrie. Bepålde burenbedryven kunt neet te völle ammoniak de löchte in doon. Ouk müt der neet te völle geluudshinder weasen van wegen en bedryven. Det hangt wal af van de söärten dee beskermd bint in de natuursteaden in de buurte. Wieters bint der ouk kansen vöär rekreasie. De Europese Kommissie hef de Vögelrichtlijn van 1979 en de Habitatrichtlijn van 1992 as wettelijk middel umme te sorgen vöär de beskerming en et behold van Natura 2000-gebeeden. De Natura 2000-gebeeden wurd juridisch beskermd döär de sogenaamde habitattoets.

Natura 2000 in Neaderland[bewark | bronkode bewarken]

Lyst van Natura 2000-gebeeden in Neaderland

Uutgånde verwysings[bewark | bronkode bewarken]

Europese Unie[bewark | bronkode bewarken]

Neaderland[bewark | bronkode bewarken]