Muntjeziel

Muntjeziel (Nederlaands: Munnekezijl) is t mainst oostelk legen dörp van de gemainte Kölmerland en Nijkruusland, pervinzie Vraisland (Nederland), en het 490 inwoners (2023). De ploatsnoam verwiest noar de munneken dij der in loate middelaiwen n sluus (ziel) baauwd hebben.

t Dörp ligt aan t Muntjezielsterried, tegen de grens mit de pervinzie Grunnen. In Muntjeziel wordt din ook nog aal Westerketiers Grunnegs proat. Wottersporters kinnen terecht in passantenhoaven 't Eiland. Sikkom 4 kilometer in t noorden van t dörp achter diek is de pruifstee 'Kölmerweerd' te vinden. Doar wordt onderzuik doan noar akkerbaauw- en vollegronds-gruintegewazzen. Ook het t dörp n dörpshuus (de Schaanze), n kristelke boasisschool 't Oegh en de Muntjezielstermeulen dij ook wel 'Rust Roest' nuimd wordt. t Is as pelmeulen baauwd worden, mor nou as korenmeulen in gebruuk. In t zuden van t dörp leit n old boogbroggetje uut 1802, mit de noam t Piepke. In vrouger joaren woonden der meer lu, mor omreden gezinnen binnen veul klaainer worden,