Moate (muziek)

Verskeaidene moatsoortn nöast mekoar

Ne (Muziek)moate is nen term wat wörd gebroekt in bladmuziek, um an te geewn det n stukn tied wörd op-edeeld in stuks van geliekn doer. Duur meardere moatn achter mekoar te zetn, ontsteet n muziekstuk.

Ne standaard Westerse muziekmoate besteet oet veer teln per moate (stuks met geliekn doer), wat wörd eskreewn as 4/4. Dit neumt ze dan nen "veer-veerde moatsoort", "veerkwartsmoate", of kortweg veer-veerde. Nen noot van één tel het dus in disse moate nen kwartnoot.

De BPM, wat bie de meeste muziekstukke wal vermeeld steet, gef an wo vlot of wo laankzaam o'j de stuks mutn teln. Ofhaankelik hiervan kan n muziekstukke dus zo vlot espöld wordn as at t meanselike lief toosteet.

Muziek maakn geet feaitelik krek as brökn bie heuwdrekn: 1 moate besteet oet 4 kwartnootn, en dus oet 8 achtste nootn, 16 zesteende nootn, ezw.

4/4
8/8
16/16

Zovölle nootn köant slim drok wean vuur t oge, doarumme wordt ze vake verbeundn met strepe: per kwart-tel kö'j 4 zesteende nootn maakn. Doarumme wordt zesteende nootn vake in groepkes van veere an mekoar verbeundn.

Aandere moatsoortn

Westerse muziek keant ook nog aandere moatsoortn, met mear, of meender as 4 teln in de moate. de meest vuurkomnde zeent de 2/4, 3/4, 3/8, 6/8, 9/8 en 12/8. Al disse moatsoortn hebt as kenmoark det ze óf in 2, óf in 3 geliekmoatige deeln zeent op te splitsn.