Lippe (rivyr)
.png)
De Lippe is nen rivyr van 220 kilometer lange in et düütske bundsland Noordryn-Westfalen. De Lippe beslöt en höygdeverskil van 125 meter un is nen sydtak van den Ryn. Water krigt den rivyr van en toströymgebeed van sou'n 4.890 km² der ümhen. De brunne ligt an den rand van et Teutoburger Wold in Bad Lippspringe kortby de stad Paderborn. Van dåruut geyt he up et westen an döär Paderborn un Lippstadt, un dan langs de noordkante van et Roorgebeed. Dan lykup med den Emsker un den Roor. By Wesel löpt he uut in den Ryn.
De Lippe was nen vöärnamen rivyr vöär et Romeinske Ryk, ümdat se em gebrukeden as bevöärråding van de troppen dee Germania veröäveren musten. Langs de Lippe sint verskeidene resten van romeinske kampen weadervünden. Den by et nudaagse Haltern was wårskynlik et höyvdkamp van den romeinsken prince Tiberius.
In 2018 wör de Lippe köäsen as Ströymlandskop van et Jår.