Max Verstappen

Uut Wikipedia, de vrye encyklopedy
Nå navigaty springen Nå söken springen
Max Verstappen

Max Emilian Verstappen (Hasselt, 30 september 1997) is nen belgisk-neaderlandsken wagensporter. Under neaderlandske vlagge jagd hee med in de Formule 1, by et manskap van Red Bull Racing. Syn vader is Jos Verstappen, old-Formule 1-jager. In 2016 wör hee köäsen töt sportman van et jår.

Loupbane[bewark | bronkode bewarken]

Med veer jår deade Verstappen al karten. Med söäven mocht hee meddoon med kartwedstryden. In 2014 stappeden hee oaver up autosport. Den 15. Määrt 2015 jaagden he syne eyrste Formule 1-wedstryd, de Grand Prix van Australie, vöär Toro Rosso. Dårmed was hee med syn 17 jår den jungsten intreader in de Formule 1 van alle tyden. Eyn seisoon later haalden hee up 15 mei 2016 under de vlagge van Red Bull Racing syn eyrste podiumsteade in nen Grand Prix, do hee de GP van Spanje wün. Med syn 18 jår en 228 dagen was hee den jüngsten anvoorder in nen GP, jüngsten vöörder up et podium en jüngsten winner van nen GP ooit. Dårnöäst is hee ouk den eyrsten neaderlandsken winner in de Formule 1 en den eyrsten neaderlander den as vöäran mocht starten. Ouk up klassementspunten is Verstappen den meyst suksesvullen neaderlandsken Formule 1-vöörder ooit. Döärdat Verstappen et sou good düt, is de Formule 1 in Neaderland de lätste jår slim populäär ewörden. Et sorgden der ouk vöär at in 2020 de Formule 1 nå 35 jår weader in Neaderland ejagd worden solde, up de Bane van Zandvoort.

Persöönlik[bewark | bronkode bewarken]

Ümdat Max Verstappen de söäne is van ne belgiske moder en neaderlandsken vader hevt hee twey paspoorten. Hee kös der vöär üm under neaderlandske vlagge te jagen. Nå at syne olden uut mekander güngen, bleav Verstappen by syn vader. Hee hevt ne süster, ne halvsüster en nen halvbröder.

Wünnene races[bewark | bronkode bewarken]

Nr. Grand Prix Team
1 Grand Prix van Spanje 2016 Red Bull-TAG Heuer
2 Grand Prix van Maleisie 2017 Red Bull-TAG Heuer
3 Grand Prix van Mexiko 2017 Red Bull-TAG Heuer
4 Grand Prix van Oustenryk 2018 Red Bull-TAG Heuer
5 Grand Prix van Mexiko 2018 Red Bull-TAG Heuer
6 Grand Prix van Oustenryk 2019 Red Bull-Honda
7 Grand Prix van Düütskland 2019 Red Bull-Honda
8 Grand Prix van Brasilie 2019 Red Bull-Honda
9 Grand Prix Formule 1 van het 70-jöärige Jubileum Red Bull-Honda