Massage

Uut Wikipedia, de vrye encyklopedy
Nå navigaty springen Nå söken springen
Hardlopers kriegt massage tiedens de Taipei-marathon in Taiwan in 2004

Massage is 't toepassen van gestructureerde of ongestructureerde drok, spanning, beweging of trilling - haandmaotig of mit mechanische hulpe - op de zachte weefsels van 't lief. Inbegrepen kunt wezen, behalve de hoed: spieren, biendweefsel, pezen, gewrichtsbaanden, lymfevaten, organen van 't mage-darmstelsel en organen van 't voortplaantingssysteem.

Doel[bewark | bronkode bewarken]

Massages wördt egeven veur 't welzijn van de massee (degene die de massage krig), specifieker beveurbield: veur 't verbetern van de warking van verscheiden dielen van 't lief, bijdragen an genezingspercessen, 't ontspannen van zenuwen en spieren, en algemiene ontspanning.

Massages kunt in de infermele sfeer egeven wörden, mar kunt ok stark gereglementeerd professioneel wezen. In een professionele context het degene die de massage gef de masseur of masseuse. Dizzend kan gebruukmaken van haanden, vingers, ellebaogen, kneien, voeten of ok wal aandere hulpmiddels. Bij professionele massages lig de massee miest op een massagetaofel of op een matte op de vloere, of hij of zij zit op een massagestoel. Der wördt nogal ies massage-eulies gebruukt.

Soorten[bewark | bronkode bewarken]

Der bint een hiele riege verschillende soorten massage, waoronder Zweedse massage, Thaise massage, dieptemassage, triggerpointmassage, sportmassage, ayurvedische massage, tantrische massage, cosmetische massage en hietestienenmassage.

Nuvola apps ksig.png Dit artikel is eschreven in 't Zuudwest-Drèents.