Bron bekyken van Llanfairpwllgwyngyllgogerychwyrndrobwllllantysiliogogogoch

[[Bestaand:Llanfair.750pix.jpg|thumb|De naam van t darp Llanfairpwll in Kumrië op de achtergrond]]
'''Llanfairpwll&shy;gwyngyllgogerychwyrndrobwllllantysiliogogogoch''' ({{Audio|Cy-Llanfairpwllgwyngyllgogerychwyrndrobwllllantysiliogogogoch.ogg|<small>uutspraak</small>}} {{IPA|ˌɬan.ˈvair.puɬ.ˌɡwɪn.ɡɘɬ.ɡo.ˌɡer.ɪ.ˌχwɪrn.ˌdro.buɬ.ˌɬan.tɘ.ˈsil.io.ˌɡo.ɡo.ˈɡoːχ}}; letterlik: ''Parochie van de Heilige Maria in t dal van de witte hazelnoeteboom bie de vlogge maolstreum en de parochie van de Heilige Tysilio bie de rooie grotte''; oek wel espeld as: ''Llanfairpwll&shy;gwyngyllgogerychwyrndrobw'''y'''llllantysiliogogogoch'') is n groot darp op t eilaand [[Ynys Môn]] ([[Engels]]: ''Anglesey'' 'Engelsoog'), in [[Kumrië]]. Meestentieds wördt de naam aofekort tot '''Llanfair PG''' of '''Llanfairpwll''' onder de Kumriërs. Dat is zat um der eigen te onderscheien van aandere plaotsnamen die mit ''Llanfair'' beginnen. t Is n toeristenplaotse umdat veule meensen effen bie t treinstasion n foto koemen maken en in t bezeukerssentrum der paspoorte laoten aofstempelen.

Kortbie he'j t vlinderhuus ''Pili-Palas''.

De naam besteet sinds t jaor 1860 en is bedocht deur de lejen van de plaotselike raod umdat ze de langste naam van alle treinstasions in t laand hebben wollen; de langste echte plaotsnaam in Kumrië is [[Llanfihangel-ym-Mechaint]]. Oorspronkelik heetten t gewoon ''Llanfair Pwllgwyngyll'', wat al aordig lastig is veur meensen die de stemloze, geaspireerden laterale [[affrikaot]] ''ll'' (dubbele L; {{Audio|Voiceless alveolar lateral fricative.ogg|{{IPA|[ɬ]}}}}) niet machtig bin (zo as de Nederlaanders en de Engelsen).

De naam van t darp is de langste van Europa, en kömp wat de lengte angeet wereldwied op de darde plaotse terechte:
* 1e plaotse: [[Bangkok|Krung Thep Mahanakhon Amon Rattanakosin Mahinthara Ayuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit]] (163 letters), de offisiële naam van [[Bangkok]]. Overigens besteet de naam in t Thaise schrift uut 95 letters (klinkertekens wörden daor niet as letters ezien).
* 2e plaotse: [[Taumatawhakatangihangakoauauotamateapokaiwhenuakitanatahu|Tetaumatawhakatangihangakoauaotamateaurehaeaturipukapihimaungahoronukupokaiwhenuaakitanarahu]] (92 letters) in [[Niej-Zeelaand]].
* 3e plaotse dus Llanfair PG in Kumrië mit 58 letters.

== Zusterstad ==
* [[Y (Frankriek)|Y]] (Frankriek)

== Galderieje ==
<gallery>
Bestaand:Llanfairpwllgwyngyllgogerychwyrndrobwllllantysiliogogogoch stationbord.JPG|t Stasionbord
Bestaand:Llanfairpwllgwyngyllgogerychwyrndrobwllllantysiliogogogoch stationsgebouw.JPG|Tekste op t stasiongebouw
Bestaand:Llanfairpwllgwyngyllgogerychwyrndrobwllllantysiliogogogoch James Pringle Weavers.JPG|Llanfair winkelsentrum
</gallery>

{{Dialekt|wvel|Nunspeet|Algemene Nedersaksiese Schriefwieze}}

[[Kategorie:Plaots in Kumrië]]