Licentie

Uut Wikipedia, de vrye encyklopedy
Nå navigaty springen Nå söken springen
Een soortement licentie: een octrooi

Een licentie (van Latien licēre, toestemming hebben) is 't formele of wettelijke goedvienden umme wat te doen, of 't document det zok goedvienden uutdrokt. Licenties hebt betrekking op zaken die verbeuden bint veur wie as gien licentie ekregen hef. Ze kunt beveurbield uuteveerdigd wörden um een medisch beroep uut te oefen, um draank te schenken, umme te vissen, um een zendfrequentie te gebruken of um radio- of tillevisie-uutzendings te verzörgen.

Aoverienkomst[bewark | bronkode bewarken]

In de simpelste vörm bestiet een licentie uut een verklaoring van de licentiegever det de licentienemer de umschreven activiteit uutvoeren mag. In meer formele contexten wördt der een aoverienkomst oftewal contract ofesleuten, daor as de veurweerden veur exploitatie in te vienden bint.

Octrooi[bewark | bronkode bewarken]

Een specifieke vörm van licentie is 't octrooi of (onofficiële term) patent: 't exclusieve recht um een product te maken of verkopen, of op een nog aandere meniere een uutviending te exploiteren.

Auteursrecht[bewark | bronkode bewarken]

Aans as mit een octrooi, behoeft een auteursrechtelijk bescharmd wark niet eregistreerd te wörden umme bescharmd te wezen. De auteur kan een licentie uutgeven um een wark openbaar te maken, te kopiëren, te bewarken, te verhuren, uut te lienen of aans nog te exploiteren. Een veurbield hiervan bint de Creative Commons-licenties die gebruukt wördt veur onder aandere Wikipedia.

Nuvola apps ksig.png Dit artikel is eschreven in 't Zuudwest-Drèents.