Leppelblad

Uut Wikipedia, de vrye encyklopedy
Skooldergördel met leppelbladen (scapula)

t Leppelblad (ook wal skoolderblad eneumd, Latiens scapula) is in t meanskenlief t vlakke dreeheukige been wat an de achterkaande van n skoolder zit. Alle zoogdeers hebt twee leppelbladen, dee't deel zeent van n skooldergördel. De leppelbladen en de slöttelbeender (claviculae) zorget der vuur det n meanske de oarme zowat alle kaanten op kan dreeien.

De leppelbladen vormt met n boawenoarm (Lat.: humerus) t skooldergewricht. De komme van dit gewricht is froai kleain in verhoolding met n groten kop van t boawenoarmsbeen, en der zeent zowat gin stoarke gewrichtsbeande dee at t gewricht helpet. Doarduur sköt n oarm nog wal vlot nen keer oet de komme.

t Leppelblad is n froai dun been, mer tegeliek ook beheurlik stoark duur den licht eböagnen vörm. Duur dissen vörm en de völle stoarke spieren dee't an t leppelblad vaste zitt, keump n gebrökken leppelblad hoaste nit vuur.