Leppel

Uut Wikipedia, de vrye encyklopedy

Nen leppel, löppel of leapel is ne ård gerei wat meysttyds van metaal, holt of künststof emaked wördt. Leppels beståt vake uut een kummeförmig skeppedeyl med nen stellen of handgreyp der an.

By de meyste leppels stekket den stellen under nen hook van ungeveyr 20 gråd in de höygte. Dit helpet by et etten uut den depen telder skeppen.

In de westerske wearld wördt et as unhygienisk en unfatsoonlik eseen as y et etten med de handene anvattet. Dårümme gebruket de lüde nen leppel üm etten of vloibår voder (suup, vla of yoghurt) in den mund te stekken. Et heat dårümme ouk wal nen etleppel.

Leppels dee gebruked wordet üm eaten uut de panne up den telder te skeppen, wordt in et neadersassisk meysttyds nen sleev enöömd. Disse sint vake wat gröäter as etleppels, med nen längeren stellen en grötter skeppedeyl.

Ouk sint der leppels in kindermåten, med ne kleinere kumme der an. So past den leppel better in den kindermund.

Leppels dee enkel bedoold sint üm in de koffy, tea of andere gedränkte te rören, nömet se dårümme in den Achterhook en Twente vake een rööryser.