Bron bekyken van Leegsaksische vlaag

[[Ofbeelding:Tweante.png|thumb|De Twìntse vlaag mit t Saksische peerd]]
Sunt t ìnde van de [[19. aiw]] begonnen toalkundegen en waitenschoppers ien de genetiek de [[Leegduuts]]e varianten weer aan tou duden as [[Nedersaksisch|Saksisch]]. Hierbie zollen de sprekers van dizze Platduutse varianten ôfstammen van de [[Saksen (vôlk)|Saksen]]. Dizze ainhaid wör doudestieds aanpitjed en doarbie zol ook n '''Leegsaksische vlaag''' heuren. Der is aanders nog nait ain offisjele vlaag. Der bestoan wel verschaaidene vlagen en symbolen binnen t Leegsaksische gebied, môr gainent doarvan geldt veur aal gebieden en gainent is offisjeel erkend worden. Veul van dizze vlagen lôten de kleuren [[rood]] en [[wit]] zain. n Aander traditsjoneel Saksische kleurenkombinoatsie is [[gruin]] mit [[wit]], dij noudoags nog veurkomt ien de vlaag van de stad [[Grunnen (stad)|Grunnen]] en t nijere keurvorstendom/keunenkriek/dailstoat [[Saksen (dailstoat)|Saksen]], dij faailieks niks mit t olle heertogdom of vôlk van de Saksen tou moaken het.

== t Witte peerd ==
t Witte peerd op n rooie aachtergrond is t maist bekende symbool van de Saksen. t Komt onderaander veur op de [[vlagge|vlaag]] en woapen van [[Tweante|Twìnte]], [[Leegsaksen]], [[Westfele]], [[Verden]], [[Saksen-Lauenbörg]] en [[Kent]].
t Gaait terug tot t peerd van [[Widukind|Wittekind]], dij hai van [[Karel de Grote]] kregen hebben zol dou [[Hertogdom Saksen|Saksen]] zok bie t [[Frankische riek]] aansloot en kirstend wör. 

n Aander theorie is dat dit t peerd van [[Woden]] was.

== Hanzevlagen ==
De maiste Hanzevlagen haren de kleuren rood en wit, noar de olle Saksische traditsie. De maiste en sowieso de belaangriekste Hanzesteden lagen ien t olle Saksen en de Saksische toal, noudoags deur toalwaitenschoppers aanduud as [[Middelnederduuts]], wör as vouertoal broekt. Doudestieds wör t aans wel Saksisch nuimd.  

=== Hanzewimpel ===
Der was ook n [[wimpel]] veur aan de schipmast, de zonuimde "Hanzewimpel". De bovenste haalf hiervan was wit (zilver), de onderste rood.

[[Ofbeelding:Hanseatenwimpel.svg|thumb|none|700px|Hanzewimpel (ratio 1:16)]]

=== Stedelke banieren ===

==== 13. aiw ====
<gallery>
Ofbeelding:Hanse_Hamburg.svg|{{center|[[Hambörg]]}}
Ofbeelding:Hanse_Riga.svg|{{center|[[Riege]]}}
Ofbeelding:Hanse_Lübeck.svg|{{center|[[Lubek]]}}
</gallery>

==== 14. aiw ====
<gallery>
Ofbeelding:Hanse_Bremen.svg|{{center|[[Breem]]}}
Ofbeelding:Hanse_Danzig.svg|{{center|[[Daansek]]}}
Ofbeelding:Hanse_Elbing.svg|{{center|[[Elbens]]}}
Ofbeelding:Hanse_Rostock.svg|{{center|[[Rozzek]]}}
Ofbeelding:Hanse_Stralsund.svg|{{center|[[Stralsond]]}}
</gallery>

==== 15. aiw ====
<gallery>
Ofbeelding:Hanse_Königsberg.svg|{{center|[[Keunensbaargen]]}}
Ofbeelding:Hanse_Wismar.svg|{{center|[[Wiesmer]]}}
Ofbeelding:Hanse_Stettin.svg|{{center|[[Stetten]]}}
</gallery>

== Vlaag van t Nederlaands Leegsaksisch ==
[[Bestaand:Intersaksische vlagge 3.svg|thumb|Vlaag veur t Leegsaksisch]]
[[Bestaand:Noordlandflagg.svg|thumb|De Noordlandflagg]]
[[Bestaand:Flag of Achterhoek.svg|thumb|De Aachterhoukse vlaag]]
[[Bestaand:Veluwse vlagge.png|thumb|Vlaag veur de Veluwe]]
Dizze vlaag is ontworpen en verkozen deur de gemainschop van de [[Leegsaksische Wikipedie]] ter promotie van de Leegsaksische toal en kultuur. De vlaag wordt deur nog gain ìnkelde organisoatsie erkend.

De vlaag bestaait oet de kleuren [[rood]], [[wit]] en [[gruin]]. Rood en wit binnen kleuren dij vanôf de [[Hanze]]tied voak broekt wörren ien t Leegsaksische gebied veur op vlagen en [[woapen]]s. De maiste [[Hanzevlagen]] bestoan den ook oet dizze twij kleuren. De kleur gruin is ôfkomsteg oet t woapen van de olle Saksische streek rond de Noordzee, t staait ook veur de [[natuur]], t boerenleven, grui en n goie toukomst. De kleur gruin wordt ook voak broekt ien al bestoande vlagen van [[daarp|lougen]], [[Stad (woonstee)|steden]] en [[gemiente (bestuur)|gemainten]] ien t Leegsaksische toalgebied.

t Peerd komt der ook ien veur. t Verschil is wel dat t peerd de aandere kaant oetkiekt, de redeneren hieraachter is dat hai dan noar de toukomst kiekt ien ploats van haangen aan t verleden. 

Ien de Leegsaksische vlaag staait, net as bie de [[Interfraise vlaag]], ook t [[Skandinoavische kruus]]. t Skandinoavische kruus symboliseert de grote ienvloud dij t Leegsaksisch had het op de Skandinoavische toalen en de verwaantschop tuzzen de verschillende vôlker dij laangs de [[Noordzee|Noord-]] en [[Oostzee]]kost leven. Ook staait t veur liekwel de [[christendom|kristelke]] as veur-kristelke religies. 

De vlaag is haalverwegens [[2008]] oetdocht.

==Noordlandflagg==
Ook in Duutsland is n vlaag oetdocht veur t Leegsaksisch <ref>[http://www.noordlandflagg.de/ Webstee van de Noordlandflagg]</ref>. Dizze vlaag is n blaauw Skandinoavisch kruus mit n gele raand op n gruine vlaag. De kleuren van de vlaag hebben apmoal zien aigen betaikenis: gruin van de velden en waailaanden, geel van t koolzoad en de blommen en blaauw van wotter en de wiede hemel.

== Nije regionoale vlagen ==
=== Aachterhoukse vlaag ===
Sunt [[jannewaori|jannewoari]] [[2018]] is der ook n [[Achterhook|Aachterhoukse]] vlaag<ref>[http://www.achterhoeksevlag.nl/ De Aachterhoukse vlaag]</ref>. t Is ontwörpen deur [[Paul Heutinck]] oet [[Wenters|Winterswiek]]. t Het n gruine aachtergrond (twij kleuren gruin) mit doarop n bogen wit kruus dij donkergruin omraand is.

=== Stellenwaarver vlaag ===
Veur t 40-joareg bestoan van de [[Stellingwarver Schrieversronte]] is ien [[2012]] n spesjoale vlaag môkt<ref>[http://www.stellingwerf.nl/?n_id=239012 Stellingwerf.nl: "Ni'je Stellingwarver vlagge prissenteerd"]</ref>. t Is n wiedere oetwaarken van n vlaag dij ien [[2009]] ontwörpen is veur t 700-joareg bestoan van de [[Stellenwaarf]]. t Het n witte aachtergrond, mit twij vermiljoenrode strepen, ain bovenaan en ain onderaan mit doarin schreven ''Stellingwarf'', en in t midden twij [[griffioenen]] (van de [[Ooststellingwarf|Oost-]] en [[Weststellingwarf|Weststellenwaarf]]) dij noar mekoar kieken. De vlaag wordt aal meer en meer broekt binnen de Stellenwaarf.

=== Veluuwse vlaag ===
Veur de [[Leegsaksieze Wikipedie|Leegsaksische Wikipedie]] is der ien [[2012]] n vlaag ontwörpen veur [[regio]] [[Veluwe]]. De kleuren geel en blaauw binnen baseerd op bestoande vlagen van [[Veluwe|Veluuwse]] [[gemiente (bestuur)|gemainten]], dij op heur beurt weer oet de [[Gelderse vlaag]] votkomen. In t midden van de vlaag staait n swaart [[haart (daaier)|haart]]. t Haart is n typisch symbool veur de Veluwe, t is ook op verschillende vlagen oet de Veluwe te zain zo as [[Putten]], [[Nunspeet]] en [[Epe]]. t Idee van de strepen op de vlaag komen oet de [[Harderwiek]]er en [[Elburg]]er, [[Attem|Hattemse]] en [[Armelo]]se vlagen.

== Hìnwiezen ==
<references/>

[[Kategorie:Grunnegs artikel]]
[[Kategorie:Nedersaksiese kultuur]]
[[Kategorie:Vlagge]]