Lönnikerbearg

Uut Wikipedia, de vrye encyklopedy
Woandelpad öp n Lönnikerbearg.
Bröggeken öp n Lönnikerbearg.

N Lönnikerbearg is nen heuwel in n gemeante Eanske, vlekbiej t döarpeken Lönnker. N heuwel, den ne heugte hef van 61 m, legt in t noordösten boawen Lönnker en in t östen van t Vliegveald Tweante. N bearg is önnerdeil van de stuwwaln tösken Eanske en Oldnzel.

Disse stuwwaln önstöndn in t Saalien, woa't laandies n bevrierenden önnergroond öpziej duwn, en zee as dakpans öp mekoar stoapeln.

Nu-an-n-dag is n Lönnikerbearg n 141 hectöare telnde, det toobeheurd töt t Laandskip Oaweriessel. In t verleedn was n heuwel nog n heideveald woar sköape groasen. Oan t ende van n 19e eeuw wör deur A.J. Blijdenstein tötoal healemoal mit noaldböame beplant. Hee har n heuwel in zin bezit ekriegn deur t laand van verskillende boern te köp. De rabatten (verheugde kweakbedn) veur de anplant van aal dee böame warn tesoame wal 320 km lange. Blijdenstijn hef zich noa zinn död öp heuwel loaten begroow. N deil van de familie hef dit veurbeald evölgd.

In de oale soagn van Tweante wod ezegd det doar öp n Lönnikerbearg Witte wieven wönt.