Kumis

Kumis (ouk eskreaven as koumiss of kymys – kasachsk: қымыз, qymyz, mongoolsk: айраг, ääryg) is ne efermenteerd suuvelprodukt traditionääl emåked van päärdenmelk od eselmelk. Den drank blyvt belangryk vöär de völker van de Centraalasiatiske steppes, van türksken en mongoolsken avkumst: Kasachen, Basjkiren, Kalmukken, Kirgysen, Mongolen en Jakuten. Kumis wear vrogger ouk ekonsumeerd döär de Kitan, Jurchen, Hungaren en Han Chinesen van Noordchina.Mal:Sfnb

Kumis is en suuvelprodukt vergelykbår med kefir, mår wördt eproduceerd van nen vlöibåren startkultuur in teagenstelling töt de vaste kefir "granen". Ümdat päärdenmelk meyr suuker bevattet dan köien- of geitenmelk, as et efermenteerd is, kumis, hevt en höyger, skounwal noch steads mild, alkoholgehalde vergeleaken med kefir.

Dat den drank ne lange geskydenis kent blykt uut en klaagleed dat ne Hanprinses in de tweyde eywe v.Chr. skreev doo sy uutehuweliked wear an nen heerser van de Wusun. De klaagsang is upenömmen in de Shiji. Sy most in vilten tenten woanen, rauw vlees eaten en egistede melk van merrys drinken. Ouk Willem van Rubroeck nöömt den drank ("kosmos") in syn reisverslag. Tataren in de 13e eywe makeden kumis döär de melk van höär ponys to vermengen med gist. As kumis emaked wördt van koomelk mot suuker toevöögd wörden üm to sörgen dat et gistingsproces neet stoppet.

Oaver et algemeyn bevat kumis ümsgevear 2% alkohol, mår et kan starker emaked wörden döär et to distilleren.

Sölvs in de deylen van de wearld wår as kumis vandage den dag populair is, blyvt päärdenmelk en seyr beparked verkrygbår good. Industriele produktsy gebruket dårüm meystal koomelk, dee ryker an vet en eiwitten is, mår minder laktose hevt dan de melk van en päärd. Vöär de fermentatsy, wördt de koomelk versteavigd up eyne van de völgende maneren: sukrose kan toevöögd wörden üm ne vergelykbåre fermentatsy to verkrygen; ne andere technik voogt ewysigd wei to üm de såmenstelling van päärdenmelk beater to benaderen.

Brunnen, nöyten en/of referentsys