Krupende botterbloeme

Oet Wikipedie, de vraaie enzyklopedie
Gao naor: navigasie, zeuk
Bloeme van de krupende botterbloeme
Krupende botterbloeme

De krupende botterbloeme (Latien: Ranunculus repens) is een plaante van 't geslach Ranunculus. 't Wonnen ezien as een hardnekkige ruutsoort. De plaante is net as de meeste botterbloemen lich giftig, daorumme zal vee der umhinne grezen. Hierdeur krieg de plaante nog meer kans um hum te verspreiden.

Beschrieving[bewark | bronkode bewarken]

De plaante hef lang-esteelde en meestentieds behaorde blaojen in rozetvorm. Disse bin in 3 lobben verdeeld waorvan de middelste esteeld is. De krupende botterbloeme wonnen 10 tot 50 cm hoog. De bottergele bloeme besteet uut 5 rechte, lichbehaorde kelkblaojen, steet in 't midden van de krans en bleui van april tot juli.

De plaante krieg gladde vruchjes mit een korte ebeugen snavel, op een bolvormige vruchkop. De plaante wonnen soms verward mit de scharpe botterbloeme vanwegen de geliekende blaojen, mar bie de krupende botterbloeme is 't middelste deelblaodjen van de onderste blaojen al een stuk langer esteeld as de 2 aandere deelblaojen. De bloemsteel is opstiegend mit uutlopers en altied egreuf, dit is nooit 't geval bie de scharpe botterbloeme.

Verspreiding[bewark | bronkode bewarken]

De plaante kump algemeen veur op akkers, braakliggende terreinen, vochtige weiden en 't best op vochtige, beschaoduwde plaotsen. 't Kump in grote delen van Europa en Azië veur. De plaante verspreid hum deur middel van uutlopers. Op disse meniere kan, uutgaonde van 1 enkele plaante, heel gauw een groot oppervlakte bedek wonnen. Zien uutlopers strekken zich in alle richtingen uut en vormen um de paor centimeter een niej plaantjen.

Wikimedia Commons Commons: Krupende botterbloeme - plaetjes, filmkes en/of geluudsbestaanden.