Klein duvelsneigaoren

Uut Wikipedia, de vrye encyklopedy
Klein duvelsneigaoren

Klein duvelsneigaoren (Cuscuta epithymum) is net as t groot duvelsneigaoren n plaante uut de wiendefamilie (Convolvulaceae). In Nederlaand kömp klein duvelsneigaoren niet zo vake veur en is arg aofeneumen. De soort steet op de Nederlaandse rooie lieste van plaanten.

t Is n eenjaorige plaante die as parasiet leeft op heedsoorten, brem, gaspeldoorn en somtieds op tormentil. Der is gien echt bladgreun (wat deur möt gaon veur blad ziet deruut as kleine rooie schubben) en dus kan der gien voedsel an-emaakt wörden. Uut n klein zaodjen kömp n haorachtig, rood stengeltjen van nog gien millimeter dikke. As t de goeie waordplaante evunnen hef, dan klimp t plaantjen bie de waordplaante naor boven en steelt zien voedsel. Dit döt e mit zien zuugworteltjes. De parasiet greuit gauw en vertakt zien eigen iezelig vake, zodat de waordplaante somtieds helemaole overwoekerd raakt.

De bloeme is klein, klokvormig en lochtroze. De bloemen vormen dronge kloewen tot één sentimeter deursnee, die bleuien van juli tot september.

Foto-uutstallige[bewark | bronkode bewarken]

Uutgaonde verwiezing[bewark | bronkode bewarken]


Wikimedia Commons Commons: Klein duvelsneigaoren - plaatjes, filmkes en/of gelüüdsbestanden.