Kiel (Grunnen)

Uut Wikipedia, de vrye encyklopedy
Nå navigaty springen Nå söken springen

Kiel (Nederlaands: Kiel-Windeweer) is n dörp in de provìnzie Grunnen (Nederlaand), gemeente Hoogezaand-Sapmeer.

De Nederlaandse noam Kiel-Windeweer is vörmd deur n soamenvougen van de noamen van de ollere ploatsen De Kiel en Windeweer, dij tegen mekoar aan gruid binnen. In t Grunnegs wordt de ploats enkeld noar De Kiel vernuimd.

Kiel is om en bie 100 meter braid en zès kilometer laank. t Is n schier veurbeeld van de karakteristieke lintvörm van n olle veenkelonie. De ploats is ontstoan deur de bebaauwen dij laanks t Kielsterachterdaip vörmd is. Dat knoal, n ziedknoal van t Winschoterdaip, was oorspronkelk de belaankriekste transportroute van en noar t dörp. Allend woar de Zuudloarderweg t knoal kruist, is t dörp wat braider.

Van 1812 tot 1821 was t as Windeweer n zölfstandege gemainte.