Kasteel Keppel

Uut Wikipedia, de vrye encyklopedy
Kasteel Keppel, anzicht op et hoes

Kasteel Keppel is n kasteel bi-j Laeg-Keppel in den Geldersen Achterhook in Nederlaand en is ene van de mooist bewoarde kastelen in Den Groafschap. Et ligt in Laeg-Keppel, rundumme vief kilometer oostelek van Doezebarg an den N317 in de richting van Deutekem.

Geskiednis[bewark | bronkode bewarken]

Uut den middeleeuwsen wontoorn, ebouwd rundumme 1300, greujden n groot hoes, dat noa völle verbouwingen pas in de 19de eeuwe kloar kwam. Den rechtertoorn van vandage steet op de plaatse van den wontoorn, op kellerheugte bunt de muren 2 meter dikke. In 1581-1582 wodden et kasteel tot dreemoal too belaegerd, in-enommen en wier deur Stoatse troppen verneeld. Kasteel Keppel hef in de Middeleeuwn völle te lieden ehad. Veural in den Tachtigjoarigen Oorlog. De heren van Keppel waren Spaansgezind en op 29 september 1581 nammen Stoatse troppen et kasteel in. Frederik van Pallandt, heer van Keppel, undernam nen teggenanval en kreg zien eigendom terugge. Een joar later, 30 september, valt de Stoatsen opni-j an. Zi-j mossen et haenig an doon waegens nen groten veurroad buskruut, en mossen et kasteel in olderwetsen stiel verwoosten. Den Münstersen biskop Bernhard van Galen better bekand as Bommen Berend nam in 1665 et kasteel in, unruumt et kasteel in 1666 woarnoa de verdaedigingswarken of-ebrokken wodden. Lodewijk XIV richten et kasteel in 1672 in as heufdkwarteer, moar et wodden in datzelfde joar völle schaa too-ebrach deur plunderende Fransen en Münsterse troppen. Noa den Tachtigjoarigen Oorlog brekt röstege tieden an veur et kasteel.

Vandage[bewark | bronkode bewarken]

Vanof 1962 is et kasteel bezit van de Pallandt van Keppel Stichting, dee et meugelek emaakt hef um kasteel, huusroad en park bi-j mekare te holden, zodat het nog deur de familie kan wodden bewond. De bewonners van vandage bunt baron en baronesse van Lynden-Rutgers van Rozenburg. Welwillend stoat zi-j op ofspraak kiekleu too. Et kasteel is neet vri-j te bezoeuken, moar noa n skriftelek verzeuk ericht an den rentmeister ku'j et rondkieken bespraeken.

Uutgoande verwiezingen en bronne[bewark | bronkode bewarken]