Kaspische Zee
De kaspiske see (Farsi: دریای مازندران; Daryâ-ye Mâzandarân; "See van Masandaran", Russisk: Каспийское море; Kaspiejskoje more) is en grout soltmeyr wat inslöyten ligt tüsken land. Et ligt up de grense tüsken Europa un Asië.
Et hevt ne uppervlakte van 371.000 km². Dårmed is 't et gröytste meyr van de wearld. Ümdat et so grout is un solt, wördt et ouk wal as binnenzee eseen. Vroggere ümwoaners meynden at et ne oseaan was, ümdat et solt was un so grout leak. Et hevt ne soltinhold van 1,2%, wat ungeväär eyndarde is van wat der normaal in seewater sit (3,5%). De kaspiske see wördt alvoordan sölter, ümdat der geyn water uutströymt, mär wal vöäle verdampt. De vöärnaamste rivyren wåras de kaspiske see water van krigt, sind de wolga, ural, terek en de kura.
De kaspiske see lea in 2008 28 meater under den seespegel un dårmed ouk de kaspiske laegte. Ümdat der minder neyrslag is evüllen un der groute stüwdämme in de wolga bouwd sind, krigt de kaspiske see de lätste jåren noch minder water.
Deepde
[bewark | bronkode bewarken]Et noordelike deyl is gemiddeld 5 töt 6 meter depe. Dårnå wördt et rap meyr. In et midden is et ungeväär 190 meater depe un in et süden wördt et oseanisk depe med mangs meyr as 1000 meater. Et noordelike deyl bevrüst meystal up den winterdag.
Ekonomy
[bewark | bronkode bewarken]Baku, de höyvdstad van azerbeidzjan, ligt an de kaspiske see. Dår wör et eyrste boareiland van de wearld ebouwd. Al rap stünd et bekend as de "Höyvdstad van et swarte gold". Rund 1900 har baku 3000 öälywellen.
De kaspiske see is verbünden med de wolga en andere groute internationale rivyren, wårdöär as et en belangryk middelpünt vöär vervoor is. Döár et vulga-don-kanaal is der ne belangryke verbinding tüsken de kaspiske un swarte see.
In de see sit vöäle tonijn, stöyr un belugastöyr, de gröytste söltwaterviske van de wearld. Döär oaverviskerye geyt et neet best med disse viskensourten.
Kazakstan stelden in 2007 vöär üm en kanaal van 700 km to graeven tüsken de kaspiske un swarte see, et euraziëkanaal. Kazakstan hevt vöäle öäly, mär kan et neet good kwyt. Et kanaal sol öär helpen üm de internationale öäly-afneamers tomöde to kummen un gröytere öälyskepe to låten våren. Et sol ne körtere route weasen as et wolga-don-kanaal en vöäle minder slüse nöydig hebben. Dat verkört de vervoorstyd behöyrlik un leyvert flink wat meyr up.
Landen an de kaspiske see
[bewark | bronkode bewarken]De understånde landen ligget, når alfabet op de ryge, an de kaspiske see: