Kaonderen
Kaonderen is 't alsmar heneweer lopen van minsen en dieren. Minsen kaonderen vaak umdat ze zenuwachtig bin of umdat ze gewoon niks te doen hen. Minsen kaonderen licht as ze iezig nerveus bin, bieveurbeeld umdat ze een bepaold repport of moen hen veur 't waark of umdat ze iets vertellen moen waorbie ze bang bin veur de reactie van de are persoon of personen.
In 't Nederlans neumen ze kaonderen ijsberen, dit woord komt van 't gedrag van bepaolde dieren in gevangenschap (bieveurbeeld in een dieretuun). Deur een staark bepaarkte bewegingsruumte en 't ontbreken van normaole prikkels kunnen een groot antal dieren in de gewoonte vallen dat ze de heeltied mar weer 'tzelfde kleine roendjen lopen of are bewegingen de heeltied mar weer herhaolen. 't Verschiensel is naor de iesbeer verneumd umda-j-n-'t daor 't beste bie zien kunnen.
Nedersaksisch
[bewark | bronkode bewarken]- Veluws: kaonderen, dalven of krenselen