Jurgen van Houdt

J.C.R. (Jurgen) van Houdt (Rozenburg, 7 mei 1981) is een Neerlaands besteurskundigen, politiekman vuur de ChristenUnie en besteurder. Seed 9 meert 2023 is hee börgemaaster van Riessen-Hooltn.

Van Houdt is geboorn in Rozenburg. Toen as hee zes wekke oold was pakken vaa en moo 'n kroam in en gungen noar Eanske, woer as zin vaa domie wör van de Noorderkoarke. Jurgen gung doar noar de gereformeerde legere schole. Later deer hee et VWO op het Greijdanus College, de eerste dree joar in Eanske en toen dree joar in Zwolle. In 2016 maken hee ziene studie bedriefskunde an de Universiteit Twente of. Doarnoa leup hee as adviseur bie Atlas, roadsadviseur bie de gemeente Ermelo en als besteurssecretaris bie Consent.

Van Houdt was vanof 2001 actief vuur de fractie van de ChristenUnie in Eanske. Van 2002 tot 2004 was hee vicevuurzitter van PerspectieF, de organisatie van et jongevolk van de CU. In november 2006 wör hee 'n eersten zwangerschapsverlof-gemeenteroadslid van Neerlaand, toen as he Hadassa Meijer vervung. In april 2007 wör hee fractievuurzitter, noadat Bernard Veldkamp der vanduur gung vuur ne studiereize noar Amerika hen. In november kwam Bernard wierumme en wör wier fractievuurzitter. Mer in 2008 nöm Jurgen 'n kroam oaver en wör ook liesttrekker bie de gemeenteroadverkiezingen van 2010 en 2014.

Van Houdt wör in mei 2014 wethoolder van Eanske. Bie de verkiezingen van 2018 was hee vanniejs liesttrekker vuur de CU en in meert 2018 wör hee gemeenteroadslid. In juli 2018 en juni 2022 wör hee wier wethoolder. In de knippe had hee o.a. jeugnd en gezin, onderwies, publieke gezoondheid en moatschoppeliken opvaank. Ook was hee stadsdeelwethoolder van stadsdeel west.

Van Houdt wör op 'n 15en december 2022 duur ’n road van Riessen-Hooltn vuuredreagen als niejen börgemaaster. Op 17 februari 2023 maken zee bekeand an de leu det hee et was ewörden, bie keuninklik besloet. Vanof 9 meart van dat joar was et zowied. Op den dag deden ze em ook installeren en beëdigen.

Perseunlik

Van Houdt hef samen met ziene vrouwe twee dochters en nen zönne.