Jupiter (god)

Oet Wikipedie, de vraaie enzyklopedie
Gao naor: navigasie, zeuk
Jupiter en Juno, gravure van Agostino Carracci (1557-1602)

Jupiter, ook wel schreven as Iuppiter of Iupiter (in verolderd Nederlaands: Jupijn of Jovijn) is in de Romeinse mythologie de oppergod, en god van de hemel en t onweer. Hai is de zeun van Rhea en Cronus, en de jongste bruir van Ceres, Vesta, Pluto, Neptunus en Juno. Jupiter traauwde mit Juno, mor hai har slim veul minnoaressen. Zien Griekse tegenhanger is Zeus. Zien Etruskische tegenhanger is Tinia.

Aan Cronus was veurspeld dat aine van zien kinder hum van de troon zol steuten, net as hai bie zien voader Uranus doan har. Doarom vermoorde hai zien eerste vuuf kinder, tot groot verdriet van Rhea, zien vraauw. Tenslotte, noa t boaren van Jupiter, gaf zai Cronus n stain te eten en brocht Jupiter noar de Mons Ida op Kreta om opvoed te worden deur nimfen. Dou Jupiter ain wazene werd, gaf hai Cronus een broakmiddel, woardeur de vuuf kinder oetbroakt werden. Hai bevriedde ook Cronus' bruirs, de Cyclopen, dij hum as daank bliksemschichten as woapen gaven.