Johann Hinnerk Fehrs

Fehrs

Gedenkstien veur Ferhs op Möhlenbarbek, Sleeswiek-Holstien

Johann Hinnerk Fehrs (Möhlenbarbek, 10 april 1838 - Itzho, 17 augustus 1916) was een Platduutse verteller en schriever. Hij schreef een bulte vertellegies en gedichten; zien bekendste wark is de dörpsroman Maren (1907), die speult in Ilenbek, een fictieve versie van Möhlenbarbek.

Fehrs was de zeune van een veearts en gunk in de Holstiense plaatse Möhlenbarbek naor de volksschoele. Hij deu lerarenopleidings in Altno (Hambörg) en Eckernföör; vervolgens stund e veur de klasse in Reinfeld, Itzho en Altno. Van 1863 töt 1865 was e schoelemeister veur weeskiender in Itzho; van 1867 töt 1903 was e ok daor 't heufd van een privéschoele veur maagies. De Fehrsschule in Itzho is naor hum vernuumd.

In 1916 wördden in Hambörg 't Fehrs-Gilde opezet umme Fehrs zien wark en de Saksische taal in 't algemien leventig te holden. In 1958 wördden Fehrs zien vertellegien 'Kattengold' as heurspöl uutezunden deur de NDR.

Dit stok is eschreven in 't Zuudwest-Drèents.