Jan Sanders

Jan Sanders (Kwaodiek, Noord-Hollaand, 12 juli 1919 - 21 december 2000) was een Nederlaandse striptiekender en illustrator. 't Miest kunnig is hij um zien spotprenten, riek an detail, die um zeeluden dreit. Zien wark is in 't Nederlaands, Engels, Fraans en Spaans uutegeven.

Opleiding en wark

Sanders zien va was arbeider; zien moeder lerares. In de Tweede Wereldoorlog wördden e een steugien gevangen ezet deur de Duutse bezetter. Ok in de oorlog studeerde hij of in de tiekenkeunst, al was zien volk niet drok op die keuze. Hij wördden leraar en zölfstaandig illustrator. Een tiekenlerer an de Hogere Börgerschoele ontdekte zien kunnen. Wieder warkte Sanders nog as anvoerder van een amateurtheatergroep.

Spotprenten

Sanders raakte laandelijk bekend deur zien lithografieën veur kelenders van varffebriek Sigma Coatings. Dizze platen was 't publiek aordig wies mit, waordeur 't bedrief jaor nao jaor nei wark van hum wol. Op de mieste van zien platen ziej metrozen en kapteins in bezundere umstandigheden an dek, in de haven of op verlof an wal. As knipoog naor 't varffebriek kuj in de prenten vake iene mit een pot rooie varf vienden. Singelier genog hef Sanders mar iene maol op zee ewest en vaarde hij nooit wieder as zo'n 20 kilometer uut de kust.

Zien belangriekste veurbielden waren Ronald Searle, Carl Giles, William Heath Robinson en Rowland Emmett. Op zien beurte inspireerde hij tiekenders as Eric Schreurs en Peter van Straaten. In 1985 wördden hum de Ton Smits-penning anelangd.

Uutgaves

't Kan Verkeren (1978)
Loos Alarm (1980)
Lik op Stuk (1982)
Rukwinden (1983)
Jan Sanders' Schetsboek (1984)
Satirische Spelen (1984)
Tussen Wal en Schip (1985)
Een Eerbaar Zeemansleven (1989)

In Spanje wördden Sanders bekend deur drei verzamelings van zien wark uutebracht deur uutgeverije Cantábrica.

Bronnen

Dit artikel is eschreven in 't Zuudwest-Drèents.