Syllabiske konsonant

Uut Wikipedia, de vrye encyklopedy
(döärstüürd vanaf "Inslikken")
Nå navigaty springen Nå söken springen

Nen syllabisken konsonant, lettergreypmedklinker of in ümmegangsspråke nen ineslikkeden klank, düüdt in de språkenkünde up nen medklinker (konsonant) den as ne heyle syllabe (lettergreyp) vervangt. In et neadersassisk wördt dit 'inslikken' nöömd. Med name et twentsk is hyrümme bekend, al is et en kenmark van alle neadersassiske varianten (med uutsündering van en paar achterhookske en lymerske dialekten). Et fenomeen kümt skounwal ouk in andere germaanske språken vöär, sou as et hougdüütsk, engelsk, westvlaamsk en de noordgermaanske språken.

In et neadersassisk kryget alle wöörde dee as eandiget up -en nen syllabisken konsonant: loupen wördt *loupm, eaten wördt *eatn, koaken wördt koakng. In et internationale klankenskrivt (IPA) wördt dit kenmark angeaven med nen korten rechtupstånden streyp under et klankteyken. As et klankteyken nen hanger hevt, wördt he der boavenup esat.