Hydrotherapie

Uut Wikipedia, de vrye encyklopedy
Nå navigaty springen Nå söken springen
Eskulaap WIKIPEDIA kan der nit vöär instån dat de inhold van artikels kloppet.
As jy wat mankeret, kün jy et beste eaven by een dokter angån.
Een plekkien in 't vene in Deefholt, Nedersaksen det inericht is veur Wassertreten, een deur Sebastian Kneipp uuteprakkezeerde vörm van hydrotherapie

Hydrotherapie (uut 't Grieks ύδρο- (idro-), water-, en θεραπεία (therapeía), 't genezen) oftewal watergeneeskunde, is 't systematische gebruuk van water veur de behandeling van gezondheidsklachten of um klachten veur te wezen. Allewal watertherapie terogggiet op klassieke tieden, wördden 't in de 19de ieuw uutewarkt as basisbestaanddiel van de netuurgeneeskunde, een takke van de alternatieve geneeswiezen.

Hydrotherapie mak gebruuk van de temperatuur en drok van 't water, en van zowal vluiend water as ies en daamp. Onder de soortementen behandeling vaalt wassen, inwikkeln mit natte doeken, water gieten, baden mit of zonder toevoegings an 't water, en 't hietelochtbad (de sauna). In Duutslaand bint ze drok op de Kneippkuur, een vörm van hydrotherapie die uuteprakkezeerd wördden deur de Beierse priester Sebastian Kneipp (1821-1897). De bekendste bestanddielen daorvan bint 't Wassertreten, ofwal mit tussenpozen deur kold water stappen, en de Kneippgüsse, behaandeling mit waterstraolen mit lege drok.

Hydrotherapie hef raakvlakken mit de balneologie, een vörm van therapie die um baden dreit.

Nuvola apps ksig.png Dit artikel is eschreven in 't Zuudwest-Drèents.