Huus Bargh

Huus Bargh is n kasteel in de stad 's-Heerenbarg gemeente Montferland, Gelderlaand en is éne van de grootste kastelen van Nederlaand. Den stoat van 'kasteel' is betwist, umdat der gin kasteelmure um et huus ligt. Et maaktn deel uut van de heerlekheid Laand van den Bargh.

Geskiednis

De bouwgeskiednis van et kasteel geet weerumme tot de 13de eeuwe. De belangriekste nog bestoande delen kompt uut de 14de, 15de en 17de eeuwe. In de begintied van den Tachtigjoarigen Oorlog had Huus Bargh veul te lieden van et kriegsgeweld. In 1735 brendden et geheel uut.
Tiedens de Hollandse Zending tussen de joaren 1799 en 1842 was der n seminarie in Huus Bargh evestigd.
In 1912 wodden et Huus Bargh en alle bi-jbeheurende bezittingen eigendom van Jan Herman van Heek, nen industrieel uut Eanske.
In 1939 wodden n groot deel van et huus veur den tweeden moal deur braand verwoost. Moar deur de hulpe van de plaatseleke leu kon veul van den huusroad wödden red. Nog in hetzelfde joar begon den wederopbouw, den in den harfst van 1941 wierd ekloard.

Kunstverzameling

Doar völt veul vrögge Italiaanse skilderkunst te bewunderen in Huus Bargh. Een biezunder skilderi-je is n paneel uut den wealdbereumden Maestà van Duccio. Et wark wodden in de 19de eeuwe an de verzameling van et kasteel edoan. Huus Bargh harbargt ne uutzunderleke verzameling middeleeuwse handskriften. De verzameling hef bi-jveurbeeld ok n portret van Erasmus deur Holbein.

Oaverige wettensweerdigheden

In den kasteeltuun en in de ontvangsthalle wodt reagelmoatig concerten egeaven.
Den Boetselaersborg, n kasteeltjen noabi-j Huus Bargh, beheurt tot de bezittingen van et kasteel.
Juust ten westen van Huus Bargh ligt et parkwoold de Plantage.

Uutgoande verwiezingen