Herm (aailaand)

Herm is n aailaand veur de Fraanse kust van Normandië, t beheurt tou aan t baljuwschop van Guernsey. Herm is t klainste aailaand van de knoalaailaanden, dat vraai tougaankelik is. Net as op Sark binnen motorvoertugen verboden op t aailaand, maor op Herm binnen ook fietsen verboden. Deur de witte zaandstraanden (onder aandere Shell Beach) is Herm n paradies veur waandeloars.

Herm wordt deur regeren van Guernsey verhuurd. t Aailaand wordt sund 1 oktober 2008 verhuurd aan t bedrief Herm Island Ltd, dij de loatste veertig joar van de huuroverainkomst opkocht het van n echtpoar dij t aailaand eerder huurde. Ze binnen ook aigender van aal bedrieven op t aailaand.

In 2002 was de totoale bevolking om de bie de 60 personen.

Herm is maor 2,5 kilometer lang en minder as 800 meter breed. t Aailaand ligt zo dat de grootste lengte noord-zuud loopt. t Noordelike dail van de kust bestaait oet zaandstraanden en t zudelike dail is veural rotsachtig.