Gondel (boot)

Gondel in Venetië

Nen gondel (Italioans: gondola) is n voartuug dat heufdzoakelek in Venetië wödt ebruukt veur et vervoeren van leu en good.

Geskiedenis van den gondel

De Venetioanen vestigden zich in de 15de eeuwe op de eilaanden van de lagune bi-j et teggenwoordige Venetië, zodat barboaren eur neet konden bereiken. De lagune bestoand uut kleine eilaanden met n netwark van smalle kanalen, neet deep genog veur de grote zeeskeepn van de barboaren.

Et laeven op de lagune wodden meugelek emaakt deur et gebruuk van nen smallen, lechten boot den leu en good kon vervoeren. Dizzen boot wodden bestuurd deur nen enkelen roeier den op de achterkante van den boot stoand, zodat e good zicht had. Veur de besturing en veurtstuwing maken e gebruuk van nen enkelen roeireem in nen open dol. Deurdat den reem lange was en veurzeen van een groot blad kon den stoanden roeier beste slagen maken. Dit voartuug kö'w as den veurloper van de gondels van vandage zeen. Al in de 11de eeuwe mot dit voartuug in de lagune evoaren hebben. Pas uut skilderi-jen uut de 15de eeuwe is bekend hoo-t dee gondels deruut zagen.

Gondelier

Den 'bestuurder' en roeier van den gondel neumt ze gondelier. Et is ne ere dizzen taak te hebben. Kandidoaten mot n zwoar examen ofleggen en der bunt völle anmeldingen.