Golf van Tonkin

Oet Wikipedie, de vraaie enzyklopedie
Gao naor: navigasie, zeuk
Golf van Tonkin (en:Gulf of Tonkin)

De Golf van Tonkin is n zee tussen Noord-Vietnam en Zuud-China, mit n oppervlakte van om en bie 480 x 240 km (90.000 km²). t Is n vrij ondaipe (60 meter) noordelke aarm van de Zuud-Chinese Zee. De golf grenst in t westen aan de noordelke kustlien van Vietnam, in t noorden aan de Chinese pervinzie Guangxi en in t oosten aan t Chinese schieraailaand Leizhou Peninsula en t aailaand Hainan. Belangrieke hoavens aan de golf binnen Beihai in China en Haiphong in Vietnam.

In 1964 het hier t Tonkin-incident ploatsvonden, dat veur de Verainegde Stoaten van Amerikoa aanlaaiden was de Vietnamoorlog in te goan.

Noamverkloaren[bewark | bronkode bewarken]

De Vietnamese noam van de golf is Vịnh Bắc Bộ. In verainvoudegd Chinees is de noam 北部湾 (tredietsjoneel Chinees: 北部灣; pinyin: Běibù Wān; Hainanees: Pak-pōe Oân; ook in verainvoudegd Chinees: 东京湾; tredietsjoneel Chinees: 東京灣; pinyin: Dōngjīng Wān). Zowel Vịnh Bắc Bộ as Běibù Wān betaikent "Noordelke Baai". De noam Tonkin (東京 in Hán-Nôm-schrift en Đông Kinh in t Vietnamese alfabet, betaikent "oostelke heufdstad", en is t vrougere toponiem veur Hanoi, de hedendoagse heufdstad Vietnam. t Mout nait verwaard worden mit Tokyo, dat ook schreven wordt as 東京 en ook "oostelke heufdstad" betaikent. Tiedens de Fraans-kelonioale periode van Vietnam wer t noordelke kontraain Tonkin nuimd.

Weer[bewark | bronkode bewarken]

Tiedens de noordoostelke moesson, tussen jannewoarie en april dut zuk de Crachin veur in de Golf van Tonkin, en in de Stroat van Hainan. Dit is n opvalend weerverschiensel mit veul leeghangende stratusbewolken, motregen en dook of diezeghaid, woardoor t zicht slecht is.