Geulden

Uut Wikipedia, de vrye encyklopedy
Dizze ziede gaait over de Nederlaandse geulden, veur aandere betaikenissen, zai: Geulden (deurverwiezing)

De Nederlaandse geulden was van de middelaiwen tot 2002 tou de nasjonoale wettege munt van Nederlaand. Op ain jannewoari 2002 wör de munt vervongen deur de uro. Tou 2007 haar de geulden nog weerde en kon t nog omwizzeld worden veur uro's. De noam "geulden" komt van golden, wat komt van golden florain, wat weer ôfkomsteg is van de muntstandoard van Floraans, Toskane. Ien t begun haar elke provìnzie en handelsstad zien aaigense kuraans. De florijn was dijent van Hollaand. Ien tied van de kolonisoatsie en de VOK (Hollaands: VOC) kwam de florain as de offisjele munt van de verainde Nederlanden tou stoan. Dizzent is loater n aantel moal hernuimd en is oetìndelk geulden worden. De aarfenis van de florain het ook nog tot 2002 tou deurleefd deur t symbool f of fl veur de geulden, bv. f 50,- was viefteg geulden.

De geulden was ien 2002 verduild ien 6 verschillende weerdemunten, woarbie n hondertelleg systeem aanholden wör:

Deur de geschiednis hìn hebben der ook nog aander weerden wèst zo as 1 sìnt, n haalve sìnt, n haalve geulden, 3 geulden en herdenkensmunten van 10 of 50 geulden.

De bedroagen van 10 geulden, 25 geulden, 50 geulden, 100 geulden, 250 geulden en doezend geulden wazzen ien 2002 braifkes (Hollaands: biljetten. Tot 1990 tou was ook de 5 geulden n braifke.

Tegenswoordeg hebben veul luu dij de geulden nog aktief mitmoakt hebben haimwìns noar de geuldentied tou, omdat priezen sunt de ienvouern van de uro stegen binnen. Man mag den, zulfs nou nog, geern terugrekenen noar geuldenweerden. Doudestieds was 1 uro, 2,20371 geulden.