Germanicus

Uut Wikipedia, de vrye encyklopedy

Germanicus Caesar, mangsmoal kortweg Germanicus (15 v.Chr.-19 noa Chr.) was nen veuranstoanden Romeinsen veldheer uut et Julies-Claudiese huus. Hi-j was den zunne van Nero Claudius Drusus en Antonia minor, ne dochter van Marcus Antonius. Augustus was zienen grootonkel: den ziene zuster Octavia Thurina minor was ziene oepoe langs mooderskante. Deur twee op-envolgende adopties (Tiberius deur Augustus, Germanicus deur Tiberius) mocht hi-j Augustus later zien grootva neumen. Hi-j trouwden met ne (warkeleke) kleindochter van Augustus, Agrippina. Caligula was zienen zunne, Claudius zienen breur, en den letsten keizer van et Julies-Claudiese hues, Nero, zienen kleinzunne.

Ofkumst[bewark | bronkode bewarken]

Germanicus was langs vaderskante nen telg uut et Claudiese huus. Langs moderskante, deur adoptie, nen telg uut et Juliese huus. Hi-j is veural bekand as nen kundigen kriegsheer en nen biezunder geliefden politikus in de tied van Tiberius. Et was veural an um te danken dat doar noa den naederloag van Varus in et Teutenburgerwold wier orde en röste weerummekeerden an de grenze met Germanië (Tacitus, Ann. I 31.2.). Hi-j stred teggen de Chatti en Cherusken tot an de kuste met de Noordzee.

Noadat zienen vader in 9 v.Chr. unverwacht oaverleed, wöd dizzen postuum et agnomen Germanicus too-ekend dat ok aan ziene zunnen zol toovallen (Suetonius, Vita divi Claudi 1.3, Cassius Dio, LV 2.3.). Zien moder zol nooit hertrouwen, moar intrekken bi-j heur schoonmoder Livia (Valerius Maximus, IV 3 § 3, Flavius Josephus, Antiquitates Iudaicae XVIII 180).

Germanicus as veldheer[bewark | bronkode bewarken]

Oppergezag oaver de Germaanse laegers (13-17)[bewark | bronkode bewarken]

Germanicus as veldheer (Vaticoanse musae).

Et oppergezag oaver de Germaanse laegers is vanof 13 n. Chr. in hende van Nero Claudius Drusus Germanicus - noa ziene adoptie deur Tiberius in 4 n. Chr. Julius Caesar Germanicus - den deur den Senoat bekleed is met nen imperium proconsulare, woardeur hi-j het gezag hef oaver dee beide legati Augusti pro praetore en eure laegers. De legati haandelen in feite in name van den princeps den zien imperium oaver eur dan wier hef of-estoan an Germanicus, den veurmoaligen consul ordinarius. Dizzen hef zich in 13 al eens loaten uutroopen - zi-j et dan wal tezoamen met Tiberius en Augustus - as imperator bello Germanico.

Referenties[bewark | bronkode bewarken]

  • T.D. Banner, The Victories of Augustus, in Journal of Roman Society 64 (1974), pp. 21 - 26.
  • L. De Libero, art. Imperator, in NP5 (1998), klm. 954 - 955.
  • L. De Libero, art. Imperium, in NP5 (1998), klm. 955 - 958.
  • W. Eck, art. Germanicus (2), in NP4 (1998), klm. 963 - 966.
  • D. Hurley, art. Germanicus Julius Caesar (15 B.C.- A.D. 19), in DIR (1999-2004).
  • Ronald Syme, R. Syme, History in Ovid, Oxford, 1978, pp. 56-71.