Frouk Alice Weijs-Kroek

Frouk Alice Weijs-Kroek, ok publicerend as Frouk Alice Weijs ('t Klooster, 1964) is een Overiesselse schriefster en spreekster in 't Nedersaksisch.

Weijs-Kroek gruide op in 't Klooster (Sunte Jansklooster) in de Kop van Overiessel. Omdat ze von dat d'r in de kraante te weinig ston over de heugte- en dieptepunten in een gezin, stuurde ze, nao et volgen van een kursus kotte verhaelen en romans schrieven, in 1999 een koppel kotte verhaelen in de tael van 't Klooster naor de Zwolse Courant. De hilarische meniere waorop ze schreef over et reilen en zeilen van heur 'perfekte, harmonieuze' gezin en heur perblemen as drokke, warkende moe en echtgenote, waren de lu mitiene drok op. Zie wodden openeumen in een groep van vuuf Nedersaksische schrievers die ombeurten alle weken de kolumn Pennestreken verzorgden.

Ze is anesleuten bi'j de Skrieverskring Noordwest-Overiessel. Deur heur komische en licht sarkastische wieze van vertellen willen verienigingen in de wiede omtrek heur graege over de vloere hebben. In et pergramme 'Snipsnoarderi-jgies' van Radio Zwartewaterland koj heur alle maonden een kolumn heuren veurdraegen. Ok las ze een verhael van heurzels veur RTV Oost in et spöl 'Kiekn'n wa'j zegt'.

Weijs-Kroek woont mit heur echtgenoot in 't Klooster. Zie hebben drei zeuns en een dochter. Weijs-Kroek hef naor heur verwezen as 'vief opgruuiende kienders woarvan iene mien man is.'

Uutgaves

Meinsen kienders! (Iesselakkedemie, 2004)
Spetter! (dartien verhaelen mit cd, Iesselakkedemie, 2006)
Löslaoten (Iesselakkedemie, 2009)

Uutgaonde verwiezings

Dit stok is eschreven in et Stellingwarfs van Stienwiekerlaand.