Reinhard Franz Hahn

Reinhard Franz Hahn (ok Ron Hahn enuumd, skrieversname ok Franz Brookmann) is een Duuts-Austraals-Amerikaanse taalkundige, skriever ien en anfieteraor van 't Nedersaksisch.

Hahn is ien Hamborg geboren en opegruuid. Hi'j holdt hum bezig mit kleinere talen ien Azië en China. Op internet zetten hi'j ien 1995 de mailinglist Lowlands-l op, ewi'jd an West-Germaanse taalvariaanten die as ien de lege laanden bi'j de Noordzee en de Oostzee bint ontstaon of daorvan ofstamt, zoas Nedersaksisch, Nederlaands, Limburgs, Freesk, Engels, Schots en Afrikaans.

Ien 1998 hef Hahn de twiede pries ewunnen ien de jaorlijks uutereikte Platduutse Freudenthal-Pries mit Vadderland - Vadderspraak, un annere Riemels ahn Riem (Vaoderlaand - vaoderspraoke, en aandere riemsels zunder riem). Ien 1999 kreeg e samen mit Hellmer Stumberg de eerste pries veur de gedichten elektroonsche elegien - lyrik för de jaardusendwenn.

Ien meert 2008 kreeg Hahn van de Vlaomse minister van cultuur Bert Anciaux een medallie veur zien bemuienissen veur de bekendheid van de Nederlaanse taal en verwante talen.

Ien 2010 hef Hahn Alice’s Adventures in Wonderland in ’t Nedersaksisch (“noordnedersaksisch platduits”) vertaald.

Ien augustus 2010 hef Hahn hum töt 't Jeudendom bekeerd.

Waarken

Spoken Uyghur (1991, Seattle: University of Washington Press)
Alice ẹhr Ẹventüürn in’t Wunnerland (Cathair na Mart (Ierlaand): Evertype, 978-1904808626)

Webstees

Alice ehr Eventüürn in’t Wunnerland
’n paar vun sien Gedichten (Platduuts, Hoogduits, Engels)
List Lowlands-l (verskeiden spraoken)
Nu is de Welt platt (verskeiden spraoken)
Drempels un Tegels vun’t Neddersassische (Nedersaksisch grammatik, ien Duuts en Engels)
Building Blocks of Low Saxon (“Low German”)
Klaus Groth: ’n Paar vun sien nedderdüütschen Riemels mit ingelsch Œverdrägen (Riemsels van Klaus Groth met Engelse vertalingen)

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.