Frais slöt
n Frais slöt is ien t Grönnegs n slöt woarbie man slöttel nait van t slöt ôf, môr noar t slöt tou draaien mout om hom lös te moaken. Der binnen sloten dij op dizze menaaier produkseerd worden, môr t kin ook wezen dat aine t slöt gewoon verkeerdemom ien deur moakt het. Slötten dij open goan as slöttelke van t slöt ôf draait wordt kommen meer veur en wordt zain de standerd. Fraise sloten worden den ook zain as vrumd. t Woord komt den ook van de Fraizen dij ien de ogen van Grunnegers voak ook geern liek tegen droad ien goan maggen. De noam betaikent nait dat dizze slötten voak ien Fraislaand moakt worden of dat zai voak ien Fraislaand veurkommen.