Fochtelervene

Uut Wikipedia, de vrye encyklopedy
Naar navigatie springen Naar zoeken springen

Et Fochtelervene (Nederlaans: Fochtelo(o)ërveen) is een 2.500 bunder groot netuurgebied op de greens van de Nederlaanse perveensies Frieslaand en Drenthe. Dit is ien van de minnige hoogveengebieden in Nederlaand. Et gebied is eigendom van de Verieniging Netuurmonementen en wodt tegere mit Staotsbosbeheer beheerd.

Rondomme et eigenlike vene komt een raandzone die inricht wodt as netuurterrein. Et doel hiervan is ok om as buffer te dienen tussen de omringende laandbouwgronden en et vene.

Ekologische ontwikkelings[bewark | bronkode bewarken]

Ontwikkelings wat plaanten angaot[bewark | bronkode bewarken]

Et Fochtelervene is onderdiel van de ekologische heufdstruktuur en om et vene te beholen is et gebied vernat deur anleg van damwanen, et dempen van sloten en et plaetsen van stuwen. Hierdeur is de gruui van et hoogvene weer meugelik.

Onderzuuk in 2004 het uutwezen dat de vernatting goed west is veur de plaantegruui. Et, in Nederlaand uterst zeldzeme, bruun veenmos is terogge. Bentepolle, een bruungele, grösachtige plaante die de overhaand kreeg doe et vene uutdreugde, kriegt et steeds minder ruumte. Hierveur in et plak kommen now et ienjaorig wollegrös en de lavendelheide.

De veenmossen, bouwstienen van et vene, kommen langzeman terogge. Hiertoe beheuren et waeterveenmos, et hoogveenveenmos en et rood veenmos. Ok aandere bedriegde plaanten zoas et blauwe klokkien en dwargvlas kommen vaeker veur.

Ontwikkelings wat dieren angaot[bewark | bronkode bewarken]

  • Een vlinder as et veenhujbesien het hier weer ien van zien laeste grote populaosies.
  • In et Fochtelervene het in 2001 veur et eerst in 250 jaor een suksesvol bruudgeval van de Europese kraenvoegel (Grus grus) plakvunnen. Dit het in 2002 en 2003 een vervolg kregen.
  • In 2004 wodde de bosruter weer zien. Deur et verhogen van de grondwaeterstaand en warkzemheden weren d'r blubbervelden en platreden modder ontstaon die veur een bosruter antrekkelik bin.