Eijsden

	Gemaente Eijsden
(Vlagge van Eijsden)	(Waopen van Eijsden)
	; Lokatie van de gemeante Eijsden
	Informasie
Proveensie	Limburg
Heufdplaatse	Eijsden
	Geografie en bevolking
Öppervlakte; - Laand; - Water	21,90 km²; 20,47 km²; 1,43 km²
Inwonners; Bevolkingsdichtheid	11.677 (1 juli 2006); 570 inw./km²
Koordinaten	50° 47′ N, 5° 43′ O
	Aoverig
Belangrieke verkeersaoders	A2
Netnummer	043
Postkode	6245-6247
	Offisiële webstie www.eijsden.nl

Eijsden (Limburgs: Èèsjde) is ne plaatse en ne vroggere gemeente in t zuden van Nederlaands Limburg. De gemeente Eijsden had ne oppervlakte van 21,90 km² (woarvan 1,43 km² water), en is op 1 januari 2011 op egoane in de gemeente Eijsden-Margroaten.

Karnen

Noa al in 1943 de veurmoalige gemeente Mesch te hebben in-enommen, wodden de gemeente Eijsden vanof 1982 veur herindaeling uut-eebreid met de naobergemeente Gronsveld. Vanof dee tied maken doardeur ok de kernen Grönsveld en Riekholt deel uut van de gemeente Eijsden. Dizze had 6 darpen en doarnoast 4 buurtschoppen en gehuchten.

Darpen en gehuchten

Antal inwonners woonkarn op 1 januari 2005:

Nedersaksiese name	Limburgse name	Antal
Eijsden	Eèsjde	7180
Grönsveld	Groéselt	2490
Oost-Moarlaand	Oêsj-Maorend	940
Riekholt	Riêkelt	710
Mesch	Misj	330
Mariadarp	De Klonie	280
(Bron: CBS)

Geschiedenis

Den name Eijsden kump, noar deskundegen annemt, van et Germaanse weurd veur "espenbos". De latere Romeinse uutsproak was "Haspere". Van in den boadem an-etroffen resten wödt an-emomen, dat et um bebouwing uut de Romeinsen tied, dus rundumme anvang van de joartelling, geet.

Middeleeuwn

Meer dudelekheid besteet der oaver et feit, dat doar in de Middeleeuwn sproake was van ne naederzetting, zodat et hier ene van de oldere plaatsen van t laand is. Nog in de Middeleeuwn greujden dizze naederzetting uut tot 'n darp. In 1213 is et as heerlekheid in bezit van den hartog van Limburg. In 1288 kump et in Braobantse hende. Noadeen wödt et tussen 1375 en 1626 verpacht an verscheidene Limburgse edelleu. In lest-eneumd joar verweerf Jan de la Margelle de heerleke rechten. In et Partagetractoat van 1661 wödt Eijsden an de Stoaten van Hollaand too-ewezzen.

Stoatse Tied

Tiedens de Stoatsen tied untwekkelt et zich tot ne veurname plaatse. Dit met name ok, deurdat 't as oaverslagplaatse geet denen in de belangriek wöddende Maasskeepvoart. Rieke Hollaandse en Jödse koopleu vestigen zich doar. Met de komst van de Fransen in 1794 löp dizze bleujtied op t ende. Tot 1814 meek Eijsden deel uut van 't departement Nedermaas, dat tot de Franse Republeek beheurt. Noa van 1815 tot 1830 tot 't Veraenigd Könninkriek der Nederlaanden beheurd te hebben, vült het deur den Belgiesen Opstaand an België too. Vanof 1839 beheurt et echter wier tot Nederlaand.

Bezeensweerdeg

Kastelen

In dizze gemeente bunt 4 kastelen;

Kasteel Eijsden in Eijsden-Caestert, (dat beheurt tot den Top 100 der Nederlaandsen UNESCO-monumenten),
ene in Oost,
ene in Grönsveld, en
en ene in Riekholt.

Folklore

Een joarleks trögkerend gebeurn in de meeste van de olde karnen en gehuchten van de gemeente is et "bronkfeest" veuran in den zommer. Op zundagmargen vangt zi-j an mit ne geleufsprocessie, evörmd deur allerlei verklede gröppen, dee den darpspastoor begeleidt en goat doarnoa wieter met reidansen veur 2/3 dagen. Dizzen reidans, "cramignon" geneumd, is dudelek n gebruuk dat is oaverewaejd uut 't noabi-j elaegen Wallonië.

Zee ok

Van Velraedt geneumd Meuter
Eisden, veur de Belgiese gemeente

Uutgoande verwiezingen