Eiffeltoorne
.jpg)
De Eiffeltoorne is 't meest opmarkelijke monement van Paries en een van de meest bezöchen bezienswaordigheden van Frankriek. De Eiffeltoorne steet an de kaode van de Seine in 't 7e arrondissement van Paries.
De Eiffeltoorne is wereldwied 't symbool van Frankriek. 't Wonnen deur veul luui ezien as één van de neet-klassieke wereldwonders.
De toorne is bedoch deur de architek Gustave Eiffel. Eiffel had tot an zien dood een woenige in de top van de toorne. De toorne trek jaorlijks meer as 5,5 miljoen bezeukers. Op 28 november 2002 verwelkomde de Eiffeltoorne zien 200.000.000ste gaste.
Op 't eerste platform is een uutstalling mit infermatie, foto's en schilderiejen van de Eiffeltoorne. Mit de lift is 't meugelijk naor de top van de Eiffeltoorne te gaon, mit de trappe, allinnig tot 't tweede platform.
Infermatiepenelen geven an hokke gebouwen te zien bin vanof de Eiffeltoorne. Der is een uniek uutzichte over Paries.
De Eiffeltoorne is 317 meter hoog, zonder de tillevisieantenne mee te rekenen (324 meter mit antenne). Ofhankelijk van de umgevingstemperatuur kan de toorne een paor centimeter in heugte veraanderen deur 't uutzetten of inkrimpen van 't metaal. De toorne hef vier poten; op verschillende nivo's bin der platforms. De toorne weeg 7.300 ton (totale gewich 10.100 ton).