Bron bekyken van Eenheidsmearvoold

[[ofbeelding:Plural suffixes newer version.png|right|300px|thumb|Vervoegingn van de meervoold warkwoordvörms in t Zuud-Germaanse taalgebied]] 
[[Ofbeelding: Eenheids-pluralislijn.png|thumb|right|300px|Zo löp de eenheidsmearvooldliene (in t rood).<br />
{{Kaortlegenda|orange|[[Neersassies]]}}
{{Kaortlegenda|gold|[[Veluws]]}}
{{Kaortlegenda|yellow|[[Nederfrankisch|Neerfraankies]]}}
{{Kaortlegenda|blue|[[Middelduuts]]}}
]]
De '''Eenheidsmearvooldliene''', dee't ook wal de '''Rein-Iesselliene''' of '''Eenheids-Pluralis''' neumd wörd, is ne sproakverskilliene ([[isoglos]]) tusken t [[Duutslaand|Duutse]] Middeln-Reinlaands en Neerreins an de ene kaante, en t [[Westfaals]] of West-[[Neersassies]] an de aandere kaante. Disse liene gef skeaid tusken de Neersassiese en [[Nederfrankisch|Neerfraankies]]e dialektn, beaide in [[Neerlaand]] (laanks n [[Iessel]]) en in Duutslaand (laanks de [[Rijn|Rein]]).

In t Middeln-Reinlaands en Neerreins, mer ook in t [[Nederlaands|Standaardneerlaands]] en t [[Duuts|Hoogduuts]], gef t verskilnde woarkwoardsoetgänge bie de onvoltooid hudige tied:
#''(2e persoon eankelvoold)'' jij maakt - du machst
#''(3e persoon eankelvoold)'' hij maakt - er macht
#''(1e & 3e persoon mearvoold)'' wij/zij maken - wir/sie machen
#''(2e persoon mearvoold)'' jullie maken - ihr macht
#''(beleafdheidsvorm)'' U maakt - Sie machen

t Neerlaandse "jullie/zij" zeent rechtevoort albeaide t zelfde, woerduur t feaitelik ook oonder t eenheidsmearvoold zol valn, mer de oetgänge van t mearvoold zeent aanders as de oetgänge van t eankelvoold. t Hef skoonwal nog töt late in t 20ste joarhoonderd gebroekelik ewest um "jullie maakt" te zegn. Dit köm van de beleawdheaidsvörm "u maakt", wat t euldere "du maakst" vervöng. "U maakt" wör ook broekt um meardere persoonn ineens an te sprekn. Um toch verskil te maakn tusken eankelvoold en mearvoold wör dr in t mearvoold vake "leu" achter ezat (vereulderd Neerlaands: "ulieden"). Vandoar det t mearvoold in West-Neersassies non "iejleu" en "zeeleu" is. Dit gebuurn ook in t Standaard-Neerlaands: "gij" wör "gij lieden", wat later verbasterd wör töt ''jullie''. Nen tuskenvorm hiervan is nog terugge te veendn in verskeaidene [[Noord-Broabaant]]se dialektn, dee't nog ''gulle'' of ''gijle'' keant.

t Neersassies en Westfaals hebt mer eenn vörm vuur alle 2e en 3e perseunn, en n 1sten persoon mearvoold:
#''(2e persoon eankelvoold)'' iej maakt - du maakst
#''(3e persoon eankelvoold)'' hee maakt - he maket
#''(1e/3e persoon mearvoold)'' wie/zee maakt - wi/se maket
#''(2e persoon mearvoold)'' iej maakt - ji maket

De West-Neersassiese dialekn in Neerlaand zeent met egoan met de Neerlaandse mode um "du maakst" te vervangn vuur de beleafdheaidsvorm "iej maakt" (behalve de [[Tweants]]e dialektn van [[Oldnzel]], [[De Lut]] en [[Deanekaamp]], dee't nog "doe" hebt behooldn). t Vanoolds zo beleafde "iej" verlöar in t Neerlaandse gebeed duur de joarn hen t beleawdheaidsgeveul. In völle Duuts-Neersassiese dialektn besteet nog de beleawdheaidsvorm "Ji" teegnoawer t algemene "du".

==Veluws==
De Eenheidsmeervooldliene gef ook skeaid tusken t [[Oost-Veluws|Oost-]] en t [[West-Veluws]]. Hierumme wör t vroger ook wal bie t Neerfraankies indeeld. Ok variaanten van t [[Sallaands]] en et [[Drèents]] ligt ten westen en noorden van de lien.

==Freeske substraat==
t Fraise substroat is de toalen dij proat worden ien streken woar of vrouger n Invaeoonse toal proat woer en woar de toal dij der nou proat wordt hier van ôf stamt of n ienvloud van ondervinden dut. Dit binnen t Hollaands en [[Westfrais]], de [[Freeske taaln|Fraise toalen]], t [[Stellingwarfs]], t [[Grönnegs-Oostfrais]] en t Sleeswieks. De maiste van dizze toalen hebben de oetgong -en, -e of -n bie aal meervoldsvörms. Tuzzen Hollaand en Broabant en Utrècht en Gelderlaand ligt de isoglosse "wij hebben, jullie hebben, zij hebben"-"wij, wulder maoken, gij/gullie/gulder/julder/gunder maokt, zijle/zullie/zulder/zunder maoken". In Oostfraislaand ligt de isoglosse op stee van de olle toalgrìns tuzzen t Eemsfrais en t Wezerfrais, ongeveer op de westgrìns van de streek Harlingerlaand. 

[[Kategorie: Tweants artikel]]
[[Kategorie: Sproakleer]]