Dené-Jenisejische toalen

Verspraaiden van de Dené-Jenisejische toalen in Noord-Azië en Noord-Amerika (gruin: Na-Denétoalen; oraanje: Jenisejische toalen; streept: verspraaiden in vrougerdoagen

Dené-Jenisejische toalfemilie is n veurstelde toalfemilie bestoande oet Jenisejische toalen dij sproken worden ien t bekken van Jenisej ien Siberie en de Na-Denétoalen ien t westen van Noord-Amerikoa.

Verbanden tuzzen Na-Dené en Siberische toalen waren al laanke tied verondersteld. Toalfemilie wer ien feberwoari 2008 presenteerd deur Amerikoanse toalkundege Edward Vajda, baseerd op n tienjoareg onderzuik noar t proto-Na-Dené en t proto-Jenisejisch. t Veurstel wer besproken op n kongres woarop belangriekste autoriteiten van Jenisejische en Na-Dené-toalkunde nuigd werden, woaronner Michael Krauss, Jeff Leer, James Kari en Heinrich Werner, dij konkludeerden dat baaident toalfemilies inderdoad besibt binnen. Boetendat wer konkludeerd dat t Haida, dat sproken wordt veur kust van Alaska, gain Na-Denétoal is, aanders as wat deur summigen aannomen wer.

Dené-Jenisejische toalfemilie is eerste veronderstelde toalfemilie dij indioanse toalen en toalen van boeten t Amerikoanse kontinent ien verbaand brengt. Na-Denétoalen omvatten onner aandere t Tlingit, Navajo en Apache en hebben gezoamlek 300.000 sprekers. Jenisejische toalfemilie telt zes toalen, dij op t 500 sprekers tellende Ket noa apmoal oetstorven binnen.

Dit artikel is skreaven in et grönningsk.