Pelmölle Ter Horst

Pelmölle Ter Horst oet Riesn, Tweante, wördt duur Riesnder aait gewoon "pelmölle" neumd. De Pelmölle is ne öllie- en pelmölle den at in 1752 ebouwd wör. Woarskienlik gebreukn ze hiervuur de achtkaante van ne aandere, euldere mölle. Töt 1913 hef de Pelmölle ewoarket. Duur nen braand steund t deenk dr joarnlaank vervaln bie. Pas in 1973 wör dr n groot oknapprojekt op töw ezat, wat oeteaindelik töt 1975 doerdn. Rechevoort heurt de mölle an Stichting Pelmolen Ter Horst.

De mölle hef twee koppels pelsteender en ne volledige öllieslagerieje, met twee kaantsteender. De roodn (wiekn) spant 22,4 meter en hebt oold-Hollaands hekwoark woerop at zeailn espönn köant wordn. Dr wörd nog regelmoatig duur vriewillige mulders gerst epeld en öllie esloagn op weendkracht. Ook wordt dr vuur toeristn en publiek eteund wat t muldersvak inheult. De öllie en t mel beent doarnoa te koop.

Wieters is De Pelmölle, oonder mear duur de greune umgewing, nog aait ne geleefde lokasie vuur trouwfotoos. Ook wörd, umdet De Pelmölle an de Regge steet, nog aait gebroekt vuur t inhaaln van Sunterkloas. Den keump met n Eantersen zoomp, woervuur bie de pelmölle ne anlegsteaiger is.

Pelmölle van Ter Horst
Pelmölle van boavenof

Oetgoade verbeendiges

Offisjele webstea van Pelmölle Ter Horst