De Broene 'eugte
De Broene 'eugte is een aoverdekt zwömbad ten zuden van de Aoveriesselse plaatse Stappest. 't Complex bestiet uut een meerdielig bad mit slinterbane veur plezierzwömmen, een grote kupe veur verscheiden sporten en een butenbad. In de winter mak zwömclub ZPC Nieuwleusen gebruuk van de Broene 'eugte, umdet der op Neilusen gien aoverdekt bad is. Um dizze leste reden hef de Broene 'eugte een streekfunctie; ok Neiluseger kiender gaot der wal op zwömles.
Geschiedenis
[bewark | bronkode bewarken]De Stappester gemienteraod had al een paar keer erisselveerd aover een zwömbad, veurdet in augustus 1965 de weg daorveur vrij wördden emeuken. Veurweerde was wal det 't bad töt staand zol komen op bewonersinitiatief.[1] Een comité onder leiding van taandarts Van der Wal naamp daorop 't initiatief umme de centerije veur mekare te kriegen.[2] Ondaanks weerstaand van de SGP um godsdienstige redens wördden der in de gemientebegroting veur 1968 een bedrag uutetrökken veur de bouw van 't bad.[3] Pas in november 1972 keurde de gemienteraod de anleg goed en wördden der een subsidie toe-ekend an de Stichting Zwembad Staphorst.[4]
In 2016 hef de Broene 'eugte 't keurmark Veilig & Schoon ekregen.[5]
Rifferenties
[bewark | bronkode bewarken]- ↑ Als burgerij initiatief neemt In Staphorst mag zwembad komen, Het Vrije Volk, 5 augustus 1965
- ↑ Staphorsts comité zoekt geld voor zwembad, Het Parool, 27 augustus 1965
- ↑ In Staphorst SGP kon plannen voor zwembad niet tegenhouden, Friese koerier, 26 oktober 1967
- ↑ Staphorst nu al bang voor zwembadkrakers Plan krijgt uiterst krappe meerderheid, De Telegraaf, 26 november 1971
- ↑ De Broene `Eugte ontvangt keurmerk Veilig & Schoon, Nieuws.nl, 12 febrewaori 2016
|
Dit artikel is eschreven in 't Zuudwest-Drèents. |