Cola

Uut Wikipedia, de vrye encyklopedy
Coca-Cola

Cola is nen frisdraank met koolzoer der in. Et smaakt zeute, mer is wat zoergroad (pH) angeet zoer. Der zit 28 - 32 mg kaffeïne per 33 cl in. Aandere belangrieke bestaanddelen zeent kaneel, karamel en sitroen. Aanders as de meeste frisdraanken hef cola gin sitroenzoer, mer fosforzoer. Dieetcola hef beaide fosforzoer en sitroenzoer. Nöast soorten cola zoonder suker gef et ook nog soorten cola zoonder kaffeïne.

Ontstoan[bewark | bronkode bewarken]

De eerste cola was Coca-Cola, een noamaaksel van John Pemberton, van de Vin Mariani wat duur Angelo Mariani bedacht wör. Eerst har Coca-Cola een oftreksel van koka, mer duur druk van de oawerheaid wör der dit an et begin van et 20ste joarhoonderd oet eloaten. De samenstellige van coca-cola blif nog aait ene van de bestbewoarde geheimen van de wearld. Den naam cola keump van de kolanötte, dee as trouwens vuur et maken van cola nauweliks mear gebroekt wörd.

Moarken[bewark | bronkode bewarken]

De bekeandste moarken wearldwied zeent Coca-Cola, River Cola en Virgin Cola. Aandere opvallende moarken zeent Jolt Cola, woer as extra völle kaffeïne in zit, Inka Cola, een vuuranstoand Zuud-Amerikaans moark wat slim ofwik van de cola zo as det in et Westen bekeand is. Van Mecca-cola geet een deel van den opbrengst noar hulpe an Palestienen. Ook in de islamitiese wearld zeent der verskeaidene soorten cola, um nen tegenhanger te beden vuur de Amerikaanse produkten. Dit zeent oonder mear Zam Zam Cola en Parsi Cola. Wieders he'j nog OpenCola, woervan as et resept openboar is oonder de GNU General Public License, zodat iederene et noa kan maken.

Oetgoande koppeling[bewark | bronkode bewarken]