Chichen Itza

Uut Wikipedia, de vrye encyklopedy
Veur-Spoanse stad Chichen Itza
UNESCO Wereldaarfgoudstee
Chichen Itza
Type Kultureel
Regioon Latains Amerikoa en de Karrieben
Laand Mexiko
Joar 1988
Kaart Chichen Itza
Kaart Chichen Itza
Volgnummer 483

Chichen Itza (oetsproak tjietjen ietza, Yukatan Mayaans: Chi'ch'èen Ìitsha' : "Aan de monden van de welle van de Itza stam) is n groot komplex van ruines oet de Veur-Spoanse tied en is legen op t haalfaailaand Yukatan ien Mexiko. Op dit haalfaailaand is gain bovengrondse revier, môr wel twij "goaten" woardeur man tougang het tou ondergrondse revieren. Aine doarvan is de Hailege Cenotes (ook Hailege welle of Bron van offerns), woar de stad aan ontstoan is. Zo as de lèste noam al dut vermouden wör dizze welle ook offerns brocht aan de regengod Chaac.

Tegenswoordeg stoan der allend nog tìmpelkomplexen. Of der ook woonhoezen wèst hebben is nait zeker. Belaangrieke gebaauwen ien Chichen Itza binnen El Castillo (t Kestail; de vernuimde trappenpyramide, ook wel de tìmpel van Kukulcan nuimd), de baaltoen (woar man n baalspel speulde dat n veurganger van t voutbaal is) en de tìmpel van de hèlden (de Templo de los Guerreros).


Wikimedia Commons Commons: Chichen Itza - plaatjes, filmkes en/of gelüüdsbestanden.