Belstone

Dorpsbrink van Belstone.

Belstone Tor.

Belstone is n kleain dörpskn en civil parish an n noordkaant van Dartmoor in Devon, Englaand. De westgreanze van n parish besteet oet n East Okement River en an de eustgreanze deur n River Thaw; t heugste peunt is Belstone Tor in t zuudn en is 460m boawn zeenivo n Parish greanst an de völgnde parishes met n klok met vanoe't neurdn: Sticklepath, South Tawton, Dartmoor Forest en Okehampton Hamlets. In 2001 wönn d'r 257 menskn, det nich zoo völle oars is as in 1901, wannear d'r 236 menskn warn.

t Dorp, det in t Domesday Book as Bellestam öp-skreawn steet, leg sentroal in zinn parish en leg önnevear 300m boawn zeenivo. t Is alleannig bereaikboar via laandwegkns vanof n A30, ten eustn van Okehampton, det önnevear 5km neurdwest van Belstone leg. De karke van n parish is öplegd an de Moagde Maria en is baawd in n 13n joarhönnerd.

D'r bint n antal bronstiedmonumentn binn n parish, woarönner ok n Nine Maidens Stone Circle, dee de aachterbliefseln bint van n grafkimmer.

In n 19n joarhönnerd wörn kopper bewärkt öp t heaieveald biej n Taw River-mien, den in 1829 slötn wörn. Ok wörn t doan biej Greenhil in t neurdeustn.

t Is möglik det Fatherford, in t neurdwestn van n Belstone parish, eujt s n Romeainse oetbreaidige was van de Fosse Way-wegge van Exeter noar Launceston.