Bellever

Uut Wikipedia, de vrye encyklopedy
Nå navigaty springen Nå söken springen
n East Dart biej Bellever.

Bellever is n noaberskop in Dartmoor in Devon, Englaand. t Leg an n East Dart River önnevear twea kilometer ten zuudn van Postbridge.

t Wörn veur n earstn kear nöamd in t Hertogdom Cornwall in 1355 woarin n noam van de boerderieje Welford steet, ne kombinoasie van wielle (kwelle) en ford (voorde). In zin book High Dartmoor (1983) steln Erich Hemery veur det n noam van bal (mien) en ford kömp, dus dan zö't mien biej de voorde beteknn.

Töt n tied noa n Tweadn Wearldkrieg bestoan t noaberslop oet Bellever Farm det eigndom was van t Hertogdom Cornwall en zinne anlegnde gebaawn, met n smal antal huuze veur de boerderiejwärker. In 1930 wörn de boerderieje deur de Forestry Commission kocht en wörn d'r n gröt antal beume plöatst, woarbiej n antal huuze d'rbiej baawd bint veur de boswärker in de jöare 1950. t Nealdbeumewold det öm t noaberskop henne leg hett Bellever Forest en leg an n noordkaant, n westkaant en n zuudkaant.

In 1934 bint sömmige skuure in broek nömn as jeugdherbarg en töt vandoag an too is t nöch steads n grötstn jeugdherbarg öp Dartmoor.

Seends 2011 rid d'r doagliks nen bus det ok laanks Yelverton, Princetown, Postbridge en Tavistock geet. Tiejdns n zommer döt de Forestry Commission n bezeukerssentröm lös.

Bellever Tor leg 1,5 km ten zuudwestn van Bellever.