Basisregistratie Adressen en Gebouwen

Uut Wikipedia, de vrye encyklopedy
Nå navigaty springen Nå söken springen

De Basisregistratie Adressen en Gebouwen (BAG) is de nåme vöär ne neaderlandske basisregistratsy. Disse bestund anvankelyk uut twey basisregistratsys, nåmelik de Basisregistratie adressen (BRA) en de Basisgebouwenregistratie (BGR), mår döär nen wysigingswet van 24 februari 2017[1] bünt sy samenevoogd töt eyne.

Wet basisregistraties adressen en gebouwen[bewark | bronkode bewarken]

Den Eyrsten Kammer hevt up 22 januari 2008 de Wet basisregistraties adressen en gebouwen (Wet BAG) anenömmen.[2] De wet wear up 1 juli 2009 van kracht. De gebruuksplicht van oaverheyden ging up 1 juli 2011 in.

De Wet BAG reagelt dat den gemeynderåd et grundgebeed van de gemeynde indeelt in eyne of meyrdere wöänplaatsen en dat gemeynden en antal basisgegeavens oaver gebowen en adressen byholden in eyn eautomatiseerd systeem. Alle oaverheydsorgånen mottet disse gegeavens verplichted gebruken by de uutufening van höäre publikrechtelike tåken.

Inhold van de basisregistratsys[bewark | bronkode bewarken]

BAG-wöänplaatsen - Gemeynde Kapelle

De gemeynden mottet gegeavens byholden oaver en antal objektklassen:

  • wöänplaatse
  • oapenbåre ruumte: meystal de stråte of et plein, sums de wyk
  • nümmeranduding: meystal gewöän en getal, en in yder geval dan oavereynkommend med et begrip huusnümmer
  • pand: bowkündige eynheid
  • ligplaatse: plek vöär et permanent afmearen van en vaartuug
  • standplaatse
  • 'verblyfsobjekt': eynheid van gebruuk binnen pand(en).

Disse begrippen wordet enöömd in artikel 1 van den wet. En adres is ne kombinatsy van wöänplaatse, 'oapenbåre ruumte' en nümmeranduding. As de 'oapenbåre ruumte' de wyk is, dan bünt der of heylemål ginne stråtnåmen, of der bünt stråtnümmers (neet apart in de BAG) en ne nümmeranduding bestånde uut dat nümmer evolgd döär et volgnümmer binnen de stråte. Under huusnümmer süllen lüde de heyle nümmeranduding of et tweyde deyl dervan verstån können. Dårby süllen lüde ansluten können by wat by de döören steyt anegeaven. See ouk afwykende adresseringen.

Elk verblyfsobjekt, ligplaatse en standplaatse hevt (of krygt) en adres. Wat der oaver de afsunderlyke 'objekten' as wöänplaatsen en panden mot wörden vastelegd, steyt in den Catalogus BAG.

Uutvoring[bewark | bronkode bewarken]

Et Kadaster beheyrt de Landelijke Voorziening vöär de BAG (LV BAG).[3] De gemeynden leaveret hyr höäre gegeavens an, soudat de gegeavens van dåruut verstrekked können wörden an gebrukers. Gegeavens wordet in XML-vorm aneleaverd en verstrekked in souwal XML-vorm as GML-vorm. Dårnåst is et vöär ydereyne möägelik um via de BAG Viewer de BAG too rådplegen.

Eksterne links[bewark | bronkode bewarken]