Ayapa Zoque

Uut Wikipedie, de vrye encyklopedy
Naar navigatie springen Naar zoeken springen

Ayapa Zoque (Ayapaneco) of Tabasco Zoque is ne sproake oet Mexiko. t Heurt bie de inheemse Zoquesproakn. Sprekkers neumt t zelf Nuumte Oote, wat zik löt oawerzetn as Woare stemme. Töt t middeln van t 20e joarhoonderd was t ne kleaine, mer leawndige sproake, tötdet de Mexikaanse regearing Spaans verplichtn op de skooln en t sprekn van inheemse sproakn verbeud. Sprekkers treukn vort en leutn öare sproake achter.

In 2011 warn dr nog twee leu oawer dee't Ayapaneco vlöaindig sprekn köant: Manuel Segovia (geboorn ong. 1936) en Isidro Velasquez (1942). De kearls köant skoonwal nit met mekoar, en weaigert met mekoar te kuiern. Herduur hef n sproaknkeundigen Daniel Suslak, Assistent-Professor Volkerkeunde an de Amerikaanse Universiteat van Indiana, t lastig um n wöardebook saamn te steln. Ook köant de kearls t nit eens wordn oawer bepoalde kenmoarkn van de sproake en weelt ze zelfs nit met mekoar kuiern vuur sproakopnames vuur oonderzeuk.