Atlantische Ozeoan
De Atlantische Ozeoan of de Grode Gappert is noa de Grode Ozeoan de grootste ozeoan en bedekt sikkom ain viefde dail van de eerde. De noam is ôfkomsteg van t mythische kontinìnt Atlantis.
Liggen
[bewark | bronkode bewarken]Mit de Atlantische Ozeoan wordt t S-vörmege woateroppervlak tin oosten van Noord- en Zuud-Amerikoa en tin westen van Europa en Afrikoa bedould. In t noorden ligt Gruinlaand en gaait de Atlantische Ozeoan over in de Noordelke Ieszee. Tuzzen Antarctica en Kaap Hoorn ligt de grins met de Grode Ozeoan. t Panamaknoal vörmt hiertuzzen n aalternoatieve verbinden. De grìns mit de Indische Ozeoan bevindt zok tuzzen Kaap de Goede Hoop en Antarktica. In t zuden grinst de Atlantische Ozeoan aan de Zudelke Ozeoan.
Sumtieds worden de Noordzee, de Oostzee, de Middellaandse Zee, de Swaarte Zee, de Golf van Mexico en de Caribische Zee ook bie de Atlantische Ozeoan rekend. De oppervlak bedrog 82.362.000 km², inklusief de aangrinzende zeeen is dat 106.450.000 km². De gemiddelde daipte is 3926 m (inklusief aangrinzende zeeen 3332 m) en de grootste daipte, 8605 m, is de trog van Puerto Rico.