Aly Freije

Uut Wikipedia, de vrye encyklopedy

Aly Freije (1944) is n dichteres en schriefster ien t Grunnegs en t Nederlaands. Zai is ook dosìnt literèr schrieven. Freije is opgruid ien Veelerveen ien provìnzie Grunnen.

Ien 2008 het zai mit viefdailege gedichtenrieg In lichtbundels daanst t stof de vernuimde Freudenthal-Pries veur nije Leegsaksische schrieverij wonnen.[1][2] Ien 2009 verscheen dichtbundel Wondpoeier.

Vanof 2007 het Freije dichtwaark stoan ien t Grunneger literère tiedschrift Krödde. Ien dat joar won zai mit heur gedicht Weerom de 12e Pervinzjoale Grunneger Schriefwedstried (onderdail gedichten, volwassenen). De jury het van dit gedicht maind: 'Lezer wordt mittrokken en vuilt hom net zo onthand mit de schoamele herinnerns. Meer blift ter nait over van t verleden. En t heden trekt joe alweer bie kop en kont noar dag van nou. Dit is n dichter.' [3]

Referìntsies[bewark | bronkode bewarken]

  1. Huus van de Taol: Dichteres Aly Freije wint Duitse literatuurprijs
  2. Dagblad van het Noorden: Herinneringen aan Groningen door dansend stof in Andalusië
  3. Huis van de Groninger Cultuur: Finale Pervinzioale Grunneger Schriefwedstried

Boetende hìnwiezen[bewark | bronkode bewarken]